Matiyu 3:6 - ALLALA KUMƐ

⁶ Anu ya anu sɔ anu hakɛnu na tumɛ min, a ya anu batasi Yorodan bɛ rɔ.

Matiyu 3:6 Iomraidhean Croise

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Saraka-Masɔlɛnuta Tɔnnu 16:21

Mɔgɛnu bara wunduyogoya-hakɛ minnu kɛ, anubɛ murutiya-hakɛnu, anubɛ ko-yogo sufa bɛɛ, Aruna si wo bɛɛ latenbi baa wo ma. A si a bolo filɛ sa baa wo kunyɛ kuma. Aruna si a sɔ anu hakɛ la anu bara min ma. Mɔgɔ kelen si bila baa wo fɛ ka a kɛndɛ gben. Baa wo si ta ha wulɛ rɔ.

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Matiyu 3:11

“N bi wo batasila yi rɔ alako mɔgɛnu ni a lɔn ko wo ara tubi ka wo kɛ-nyanu yɛlɛma. Kɔnɔ ale min bi nala nde kɔma, wo si wo batasi Allala Ni-Sɛnimɛ la anubɛ tɛ min si wo sɛninya. A makawara nde ko pirr! Nde ma bɛn, hali ka ala sanbarɛ bi a ye.

Maraka 1:5

Mɔgɛ min bɛɛ ye Yudiya nyamanɛ rɔ anubɛ Yerusalɛm soe burɔ, wonu tara anu tole masɔ Yɔnila kumɛ la. Anu ban anu sɔla anuna hakɛnu na nkɛkuna, a ya anu batasi Yorodan bɛ rɔ.

Luka 1:16

A si Isirɛla ka siyaman nana tun anuta Mari Alla ma.

Luka 3:16

Woletɔ Yɔni ya a fɔ anu dama ye ko, “N bi wo batasila yi rɔ kɔnɔ mɔgɛ do ye nala min tenbira nde la. Hali ka ala sanbarɛ fulen a kian rɔ, nde ma bɛn ka wo ma. Wo si wo batasi Allata Ni-Sɛnimɛ anubɛ tɛ la.

Kɛwɔlɛnu 1:5

A ko Yɔni ya batasili kɛ yi rɔ kɔnɔ anu denu si batasi Allata Ni-Sɛnimɛ la, ado wo ti tele siyaman bɔ tun.

Kɛwɔlɛnu 11:16

Mari ya kumɛ min fɔ, n nabilara wo la ko, ‘Yɔni ya batasili kɛ yi rɔ kɔnɔ wole si batasi Allata Ni-Sɛnimɛ la,’

Kɛwɔlɛnu 19:18

Dɛnkɛninya-mɔgɔ siyaman wulita anu sɔn-yogomɛ rakaranna ka wo labɔ gbɛ rɔ.

Kɛwɔlɛnu 22:16

Nba kaka, i ye nfen makɔnɔna tun? I lasɔ ka batasi. I ni Alla matara Yisa tɔgɛ rɔ alako i hakɛ bɛɛ ni yesi ka ban feu!’

1 Kɔrɛnti 10:2

Banda-fin-gbɛ min bi anu kun na anubɛ anu ya yi min tɛgɛ, wo ya a ma iko anu batasinɛ le, ado anu mara Nɛbi Musa gba-fɛ-bilalɛnu na batasilɛ wo fɛ.

Kɔlɔsi 2:12

Wo batasira tumɛ min, wo togonta Kirasiti fɛ. Wobɛ Kirasiti lawulita wo nyɔgɔn fɛ fanan batasilɛ rɔ bawo wo dɛnkɛninyanɛ ale Kirasiti le ma. Allata sɛnbɛ le ya a lawuli ka bɔ furinu tɛma.

Hiburunu 6:2

Batasi-ko-karan wo, bolo-sa-koe mɔgɔ kuma wo, furi-lawuli-karan wo, Allata-kiti-ko-karan wo, ma kana to sɛgila wonu ma tun.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

Yasowa 7:19

Yasowa ya a fɔ Ekan ye ko, “Nna dan, i ni tonyɛ fɔ Isirɛlata Mari Alla ye kaka ka i sɔ i hakɛ la. I ya min ma, wo fɔ n ye kaka. I kana ko-wo-ko dogon n ma.”

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.