Matiyu 3:4 - ALLALA KUMƐ

⁴ Duruki min nadannɛ nyomo-siyi la, Yɔni ya wo don a kan na ka a butɛ kiri sogo-gbole la. A taranta kɔndɔnnu anubɛ liyi dɔnna nun.

Matiyu 3:4 Iomraidhean Croise

2 Mansɛnu 1:8

Anu ya a fɔ a ye ko, “Gbolo-siyimɛ donnɛ a kan na. A bu takirinɛ gbole la.” Mansɛ ya a fɔ wo le ma ko, “Tisibi kɛ Nɛbi Ilaya le wo la, yɔ!”

Aiseya 20:2

San sawa yanni wo ni ke, Mari ya a fɔ nde, Emɔsila den Aiseya ye ko n ni nna sanbarɛ bɔ n kian rɔ ka nna kasa-duruki bɔ n kan na. N ya Mari kan to a gbɛ rɔ. N kin-takolɔn anubɛ n gbu-makolɔn tara.

Sakaraya 13:4

Wo wati wa ke, nɛbi-wo-nɛbi ti a nyɛrɛ matɔgɔ ata ko-rayirɛ la. A ti nɛbiya-kasa-bɔrɔ-kurɛnu kɛ a ma alako a kana mɔgɛ yanfa nya min.

Malakayi 4:5

Yanni wo wati-makilannɛ ni ke tumɛ min, Mari ko a si Nɛbi Ilaya lana wo ma.

Matiyu 11:18

Nba, Yɔnila nɛ, a ma na fen-dɔn anubɛ minni-koe la dɔrɔn. Bɛɛ ko nyinatoe le ale la!

Matiyu 11:8

Nba, wo tara nfen yen-koe la worɔ? Kei min fɛrɛya bɔnɛ kura-nyimɛ la, wa? Ade! Mɔgɛ fɛrɛya bɔnɛ sufa, wonu bi mansɛnuna bolɔn burɔ!

Maraka 1:6

Duruki min nadannɛ nyomo-siyi la, Yɔni ya wo don a kan na ka a butɛ kiri sogo-gbole la. A taranta kondɔnnu anubɛ liyi dɔnna nun.

Luka 1:17

Ale fɔlɔn si na Mari yarɔ fanka anubɛ sɛnbɛ la iko Nɛbi Ilaya. A si dannu anubɛ anu fanu ma kelen na. A si kalabantenu yɛlɛma ko anu ni miriya latelennɛ sɔrɔn. A si Allala mɔgɛnu tabɛn Mari ye feu!”

Tɔn-Fɔɛ-Fila-Nyɔgɛ 32:13

“A ya a ma, wo taranta wo diya kɔnkɔ-layan-bɛnu kuma lanyiri-nyamanɛ rɔ. Wo ya fen siyaman sɔrɔn wola sɛnɛnu tɔ. Wo ya liyi taran faran-woenu na. Wola ki-fannu mara-a-la hali wɔsɔkɔrɔ-duginu tɔ.

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”