Matiyu 28:9 - ALLALA KUMƐ

⁹ Tiriyante wo rɔ, Yisa ya anu nabɛn kilɛ la. A ko, “Yisi-kimɛ ni to wo fɛ.” Anu ya a kian bira a bato-koe la.

Matiyu 28:9 Iomraidhean Croise

Aiseya 64:5

Mɔgɛ min sewanɛ ko-telenni-kɛ la, i ye wonu dɛnbɛna. Minnu bi anu mirila ko anu ni ma iko i miriya ye anu ma nya min, i ye wonu fanan denkunna. Kɔnɔ i yisi kɔrɔtɔra ma ma bawo ma tora hakɛ kɛla nun, ado ita tɔn-tinyɛ ara ma ma kɛ-nya le la. Ma si kisi kama gbɛ?

Matiyu 14:33

Karan-dan minnu bi kulɔn rɔ, wonu ya Yisa bato. Anu ko, “Tonyɛ le, Allala dan le ile la!”

Matiyu 23:7

Gbiliya-kɔndɔli di anu ye bari rɔ. A fɛrɛ sa fɔ mɔgɛnu ni anu kele ko, ‘Karan-mɔgɔ.’

Matiyu 28:10

Yisa ya a fɔ anu ye ko, “Wo kana kilan. Wo ta a fɔ n na-kelen-nyɔgɛnu ye ko anu ni ta Kalili. Anu si n yen nyɔ.”

Matiyu 28:17

Anu ya a yen tumɛ min, anu ya a bato kɔnɔ hali wo, sikɛ ye anu tɔ.

Matiyu 28:8

Woletɔ anu bɔra kanbɛ dafɛ tiriya kilan anubɛ sewɛ bolo. Anu burimatoe tara a fɔ ala karan-dannu ye.

Luka 1:28

Melika nara a wara ka a fɔ a ye ko, “I yisi sa! Mari ye i fɛ. A ara ata duwɛ layigi i kuma!”

Luka 24:52

Anu fara sewa-ba la. Anu ya a bato ka anu kɔ-sɛgi Yerusalɛm.

Luka 7:38

A sɔra Yisa kɔma a kian tɔgɔfɛ. A dira. A ya-yi yigira biribiri, ka Yisa kian kimɛ. Wo kɔma, a ya a kian mafiran a kun-sigi la. A ya a kian sunbu ka sɛnti kɛ anu ma.

Yɔni 12:3

Nba, Mariyama ya sɛnti-da-gbɛlɛ kilasi kelen bi min tɔgɔ naradi ka a sosa Yisa kian ma. A ya anu mafiran a nyɛrɛ kun-sigi la. Sɛnti-suma-diyamɛ wo ya bɔn wo bɛɛ bira-a-la tɛrr!

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:28

Tamasi ya a yabi ko, “N Mari anubɛ nta Alla!”

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.