Matiyu 28:7 - ALLALA KUMƐ

⁷ Nba, wo ta tiriya ka a fɔ ala karan-dannu ye ko, ‘A ara wuli ka bɔ furinu tɛma. A ye tala Kalili wo yarɔ. Wo si a yen nyɔ!’ N bara min fɔ wo ye, wo ni wo hɛnkili to wo ko.”

Matiyu 28:7 Iomraidhean Croise

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Matiyu 24:25

Wo ni wo tole masɔ! N bara kɛ fɔ wo ye yanni a wati ni ke.

Matiyu 26:32

Kɔnɔ n ba wuli tumɛ min ka n niyi lafɛ, n si ta wo yarɔ Kalili sigisɔn rɔ.”

Matiyu 28:10

Yisa ya a fɔ anu ye ko, “Wo kana kilan. Wo ta a fɔ n na-kelen-nyɔgɛnu ye ko anu ni ta Kalili. Anu si n yen nyɔ.”

Matiyu 28:8

Woletɔ anu bɔra kanbɛ dafɛ tiriya kilan anubɛ sewɛ bolo. Anu burimatoe tara a fɔ ala karan-dannu ye.

Maraka 14:28

Kɔnɔ n ba wuli tumɛ min ka n niyi lafɛ, n si ta wo yarɔ Kalili sigisɔn rɔ.”

Maraka 16:10

Wo tara a fɔ a ta-nyɔgɛnu ye. A ya a taran, wonu bi dila.

Maraka 16:13

Anu sɛgira ka wo fɔ anu ta-nyɔgɛnu ye kɔnɔ wonu fanan ma la a la.

Luka 24:34

Karan-dannu ya a fɔ anu ye, ko, “Mari ara wuli serr! Saimon ara a yen!”

Yɔni 14:29

N bara kɛ fɔ wo ye kaka, yanni wo bɛɛ ni kɛ. Wo wa kɛ tumɛ min, wo si la a la.

Yɔni 16:4

N bara kɛ fɔ wo ye, woletɔ anu tenbi koe kɛnu mala wo la tumɛ min, wo si wo yili to nna kumɛ kɛnu ko.” “Fɔlɔ-nun, n ma koe kɛnu fɔ wo ye bawo n bi wo fɛ wo wati rɔ.

1 Kɔrɛnti 15:4

Anu ya a togon. A lawulita a tele sawa nyɔgɛ ma iko a sɛbɛnɛ Allala kitabu rɔ nya min.

1 Kɔrɛnti 15:6

Wo fanan kɔma, a bɔra gbɛ rɔ a gba-fɛ-bilalɛ minnu ye wati kelen tɔ, wonu siya mɔgɔ kɛmɛ loli ko, ado ha bi, wonu siyaman kɛndɛ kɔnɔ donu bara faga.