Matiyu 27:51 - ALLALA KUMƐ

⁵¹ Nba, yorolan min dunnɛ Alla-Bato-Bɔn tɛma, wo farata fila la ka a dabira a kuma ha a kɔrɔ. Dugi yɛrɛyɛrɛnta ha kurinu tatiira.

Matiyu 27:51 Iomraidhean Croise

2 Ko-Kɔrɔta-Karan 3:14

Anu ya yesekara-yalafinyɛ anubɛ yesekara-wulan anubɛ yesekara-bilolamɛ anubɛ linɛn-yesekari wonu bi ka wonu nadan kura-hakikɛ do la Sɛnima-Sɛnima-Tinɛla ko la. Anu ya melikanuna muninyɛ sɔgɔ kura-hakikɛ wo ma.

Yaburi 18:15

Mari nyɛɛra a yogenu ma tumɛ min ka anu makuma, ma ya kɔgɔ-yi dumɛ-kole anubɛ dugu-kurukɛ-tinɛ yen ma yɛ la.

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Bɔ-Koe-Iyipiti 40:21

A ya tɔn-kenkirɛ ladon Bɔn la. A ya yorolan dun sɛnbɛrɛn-kɔnnu na iko Mari ya a fɔ a ye nya min nun.

Aiseya 25:7

Anu tenbi nyɔ, Mari si yisi-magboyɛ bɔ anu ya-denkɛ rɔ iko banda-finyɛ wa bɔ tele ya ma.

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.

Saraka-Masɔlɛnuta Tɔnnu 21:23

Mari ko bawo fɛɛ ye mɔgɔ sufa kɛnu na, woletɔ anu kana anu gbɛrɛn yorolan ma Marita Fani-Bɔn burɔ anubɛ ka anu gbɛrɛn saraka-mintan-tinɛ ma wɔli-kɛ-koe la nyɔ rɔ. Ni anu ya wo ma, anu bara ata miran-sɛnimɛnu latinya. Mari ko ale le mata Mari Alla la min ya miran wonu sɛninya ma ye.”

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Habakuku 3:13

I tara ila mɔgɛnu nakanan-tinɛ ka ta ila mansa-yabɔnɛ kisi. Mɔgɛ minnu karagbɛlɛ, i wara wonuna kun-tigi kasara ka a gba-fɛ-bilalɛnu halaki pɔ!

Yilan-Yilan Koe 4:5

“Anu tenbi tala tumɛ min, Aruna anubɛ ala dannu si don nta Fani-Bɔn la ka yorolan layigi ka tɔn-kenkirɛ yamatogon wo la.

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Matiyu 28:2

Tiriyante wo rɔ, dugi yɛrɛyɛrɛnta tun bɛrɛkɛ! Marita melika yigira ka bɔ Arinyɛni tɔ. Melika wo ya kuri makuru-kurun ka bɔ kanba-dɛ la ka a sigi a kuma.

Maraka 15:38

Nba, yorolan min dunnɛ Alla-Bato-Bɔn tɛma, wo farata fila la ka a dabira a kuma ha a kɔrɔ.

Luka 23:45

Yorolan min dunnɛ Alla-Bato-Bɔn tɛma, wo farata fila la.

Luka 23:47

Kɛlɛ-dannuna kun-tigi ya wo yen nkɛkuna, wo ya Alla tanto, a ko, “Mɔgɔ-latelennɛ le kei kɛ la serr!”

Hiburunu 6:19

Yigi wo ye ma bolo min si ma niyi lakandan, Yisa, kɔni. Ale si ke tenbila Sɛnima-Sɛnima-Tinɛ yorolan kɔma min bi Alla-Bato-Bɔn tɛma Arinyɛni tɔ.

Hiburunu 9:3

Yorolan kɔma, nyɔ tɔgɔ le, “Sɛnima-Sɛnima-Tinɛ.”

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.