Matiyu 27:5 - ALLALA KUMƐ

⁵ Yudasi ya wodi wo fili Alla-Bato-Bɔn burɔ. A tara. Wo kɔma, a tara a nyɛrɛ dun yili la.

Matiyu 27:5 Iomraidhean Croise

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

1 Mansɛnu 16:18

Ale Mansa Simiri ya a yen min kɛ ko kɛlɛ-dan wonu bara na bui Tirisa soe ma a siginɛ kan min, a tara kan-tina-latankanɛ do rɔ ala bolɔn burɔ. Mansa Simiri ya tɛ tugun nyɔ la. Tɛ ya nyɔ mintan gburr! Ale tora tɛ rɔ.

Yobu 2:9

Ala musi ya a fɔ a ye ko, “Ha bi, i ye Alla fɛ? Nfenna i sa kuma-yogomɛ fɔla a ma alako a ni i wara-koe ka-a-la kelenna?”

Yobu 7:15

A sɔgɛ ye n na, mɔgɛ do ni n kan radigin alako n niyi ni bɔ n fɛrɛ-makisimirinɛ kɛ rɔ.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Matiyu 26:61

Anu ko, “Kei kɛ ko a si ke ka Alla-Bato-Bɔn wayan ka a sɔ tun tele sawa kɔrɔ.”

Matiyu 27:6

Saraka-masɔla-wɛnu ya wodi wo matɔnbɔn. Anu ko, “Yele-wodi le kɛ la. Ni ma ya kɛ sa Alla-Bato-Bɔn wodi kuma, wo si mala tɔn tinya.”

Luka 1:21

Mɔgɛnu bi Sakaraya makɔnɔ tinɛ nun, anu bi anu mirila ni min bara ma a la bawo a ara mɛ Alla-Bato-Bɔn burɔ.

Luka 1:9

Anu ya ale Sakaraya yabɔ koron-nakɛ fɛ ko a ni don Mari Bato-Bɔn la ka fen-suma-diyamɛ mintan iko anuna namu ye nya min,

Kɛlɛ-Kurugbɛnu 9:54

Tiriyante wo rɔ, Abimɛlɛki ya ala keminɛ do kele min bi ala kɛlɛ-mirannu dununa. A ya a fɔ wo ye ko, “Ila faan sagan a lɛɛ rɔ. I ni n faga alako anu kana na a fɔ ko n tɔgɛ tora musi le la.” Keminɛ wo ya ala faan sagan a rɔ ka a laban.