Matiyu 27:4 - ALLALA KUMƐ

⁴ A ko, “N bara hakɛ kɛ ka mɔgɔ-magbalanɛ ladon wo bolo tɔ, ado a ye nala fagala!” Anu ya a fɔ a ye ko, “Malela ko sa wo rɔ. Ila koe le wo la!”

Matiyu 27:4 Iomraidhean Croise

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

2 Mansɛnu 24:4

katarala Mansa Manasa ya mɔgɔ-magbalanɛ minnu faga. Mari ti a makoto ko-yogomɛ wonu na.

Yobu 13:4

Wo ye tɔgɛ sala n na. Wo damasi mani de iko bɛsi-bɔlɛ min ti ke mɔgɔ lakɛndɛyala.

Bɔ-Koe-Iyipiti 12:31

Mansɛ ya kilayɛnu nata Musa anubɛ Aruna ma suyi wo nyɛrɛ rɔ. Ale mansɛ ko, “Wo wuli ka bɔ nna mɔgɛnu tɛma, wobɛ wola mɔgɛnu, ka ta Mari bato iko wo ara a fɔ nya min.

Bɔ-Koe-Iyipiti 9:27

Ale mansɛ ya mɔgɛ do sɔ Musa anubɛ Aruna kele tinɛ. Ale mansɛ ya a fɔ anu ye ko, “N bara bila wota Mari la wati kɛ rɔ. Yoe ye wota Mari bolo. Malebɛ nta mɔgɛnu yiliki.

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Yɛrɛmaya 26:15

Kɔnɔ wo ni la kɛ la serr! Ni wo ya n faga, wo ara n faga le dɔrɔn, fɛɛ sa n na bawo Mari le nyɛrɛ ya n sɔ wo makawandili-kumɛ kɛ fɔ-tinɛ wo ye.”

Yona 1:14

Anu dira Nɛbi Yonata Mari dala, anu ko, “E, Mari, ni ma ya kei kɛ lakɛ yi rɔ, i kana ma faga a niyi-bɔ-koe la. Ile Mari kelan gbɛ le kɛ dama la.”

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Luka 23:22

Pailɛti ya a fɔ anu ye a kinyama sawa nyɔgɛ ko, “A ya ko-yogomɛ-nyamintan kɛ n si a faga minna ko la? N bi a gbesila ka a boloka.”

Luka 23:41

Anu bi male tɔrɔla mala ko-yogomɛla ko la kɔnɔ ale ma fenfen ma!”

Luka 23:47

Kɛlɛ-dannuna kun-tigi ya wo yen nkɛkuna, wo ya Alla tanto, a ko, “Mɔgɔ-latelennɛ le kei kɛ la serr!”

Yɔni 19:7

Yahudiyanu ya a yabi ko, “Mala tɔn ko fɔ a ni faga bawo a ara a nyɛrɛ ma Allatalata dan la.”

Kɛwɔlɛnu 13:28

Iko a sɛbɛnɛ Allata kitabu rɔ nya min, anu ya wo bɛɛ ma le. Hali anu ma fɛɛ-wo-fɛɛ yen a faga-koe la kɔnɔ anu diginta Pailɛti ma a faga-koe ma. Anu ban ale Yisa fagala, mɔgɛnu ya a layigi ka a furi bɔ kɔlɔma ma ka a sa kanbɛ rɔ.

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

1 Timoti 4:2

Yanfantenu si foninya-karan wo nyɛnsɛn. Anu sɔndɔmɛ faganɛ iko fɛrɛ min bara mintan kɔrɔma la nɛgɛ-kalamɛ bolo. Woletɔ anu ti ko-nyimɛ anubɛ ko-yogomɛ dan-nafarɛ lɔn.

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.

1 Samuwɛli 15:24

Wo kɔma, Mansa Sɔli ya a fɔ Samuwɛli ye ko, “Tonyɛ le wo la. N bara hakɛ kɛ. N bara hakɛ kɛ bawo n bara Marita kumɛnu tinya anubɛ itɛ. N kilanta nna kɛlɛ-dannu na woletɔ n ya a ma iko a di anu ye nya min.

1 Samuwɛli 15:30

Mansa Sɔli ya Samuwɛli madiya, a ko, “Hali n bara hakɛ kɛ kɔnɔ gbiliyɛ di n ma nta mɔgɔ-banu anubɛ Isirɛla mɔgɛnu yala. A ma, ma bɛɛ ni ta ma nyɔgɔn fɛ alako n ni ta ita Mari Alla bato.”

1 Samuwɛli 19:5

A ya a niyi fili ka Kolati faga. Mari ya nɔlɛ di Isirɛla mɔgɛnu ma wo wati rɔ. Ile nyɛrɛ ya wo yen tumɛ min, i sewara. Nfenna worɔ, a sɔgɛ ye i la, i ni baga Dawuda ma fufafu, ado ale ma ko tinya i ma?”