Matiyu 27:22 - ALLALA KUMƐ

²² Pailɛti ya anu manyinika ko, “Anu bi Yisa min kelela Allata-Mɔgɔ-Yabɔnɛ, wo ye a fɛ, n ni nfen ma wo la worɔ?” Anu dama ya sɔnkɔ layɛlɛ ko, “A gbangban kɔlɔma ma!”

Matiyu 27:22 Iomraidhean Croise

Yobu 31:31

Nna wɔli-kɛlɛ damasi ya a lɔn ko n si sundannu sɛnibɔ ka anu yiya.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Matiyu 1:16

Yakoba ya Yusufu sɔrɔn. Yusufu wo ya Mariyama furu. Allata-Mɔgɔ-Yabɔnɛ, Yisa, wo sɔrɔnta Mariyama bolo.

Matiyu 27:17

Nyama ladɛnta tumɛ min, Pailɛti ya anu manyinika ko, “Wo ye a fɛ, n ni yon boloka wo ye, Yisa-Barabasi, ka, Yisa anu bi min kelela ko Allata-Mɔgɔ-Yabɔnɛ?”

Matiyu 27:21

Nba, kun-tigi Pailɛti ya anu manyinika ko, “Wo ye a fɛ, n ni yon boloka wo ye mɔgɔ filɛ kɛnu tɔ?” Anu ya a yabi ko, “Barabasi!”

Matiyu 27:23

Kɔnɔ Pailɛti ya anu manyinika ko, “A ya ko-yogomɛ nyamintan kɛ?” Anu sɔnkɔra ha ka a dan natenbi ko, “A gbangban kɔlɔma ma!”

Maraka 14:55

Saraka-masɔla-wɛnu anubɛ Yahudiya-kɛmɔgɛ bɛɛ ya anu taya ka foninya-sereyɛnu nyini Yisa kan ma anu si a faga minna ko la. Kɔnɔ anu ma ko-wo-ko yen a ya min tinya.

Yɔni 4:25

Musi wo ya a fɔ a ye ko, “Anu bi Allata-Mɔgɔ-Yabɔnɛ min kelela ko Kirasiti, n ya a lɔn ko wo ye nala. A wa na tumɛ min, a si koe bɛɛ faranfasi ma ye.”

Kɛwɔlɛnu 13:28

Iko a sɛbɛnɛ Allata kitabu rɔ nya min, anu ya wo bɛɛ ma le. Hali anu ma fɛɛ-wo-fɛɛ yen a faga-koe la kɔnɔ anu diginta Pailɛti ma a faga-koe ma. Anu ban ale Yisa fagala, mɔgɛnu ya a layigi ka a furi bɔ kɔlɔma ma ka a sa kanbɛ rɔ.

Kɛwɔlɛnu 13:38

“Nba, n na-kelen-nyɔgɛnu, wo dama ni a lɔn serr, ko Yisa si ke wo hakɛnu makotola. Musata tɔnnu ti ke wo bɔla wola hakɛ-yɔɔnyɛ rɔ. Wo ni a lɔn ko min bɛɛ dɛnkɛninyanɛ Yisa ma, wonu bara hɔrɔya hakɛ bɛɛ ma.