Matiyu 26:49 - ALLALA KUMƐ

⁴⁹ Yudasi-Isakariyati nara tumɛ min, a ya a telen Yisa la kelenna! A ko, “Karan-mɔgɔ, i ni wura.” A ya a sunbu.

Matiyu 26:49 Iomraidhean Croise

Ko-Dabirɛnu 27:26

A fa Isiyaka ya a fɔ a ye ko, “Nna den, i madon n na ka n sunbu.”

2 Samuwɛli 20:9

Yohabu ya Amasa kɔndɔn. A ko, “N bɔ, tana sa i la?” A ya Amasa bira a buyɛ ma a bolo nyimɛ la ka a nyɛrɛ ma iko a ye a sunbula le.

Hɛnkilimaya-Kumɛnu 27:6

Ni mɔgɔ diyana-mɔgɔ-bɛrɛ ya i kawandi-koe dola ko la, tumado, a si i tɔrɔ. Kɔnɔ ni i yoge ya a bole sa i kan ma, a ma i fɛrɛma.

Matiyu 23:7

Gbiliya-kɔndɔli di anu ye bari rɔ. A fɛrɛ sa fɔ mɔgɛnu ni anu kele ko, ‘Karan-mɔgɔ.’

Matiyu 23:8

Kɔnɔ wo kana sɔn, mɔgɛ ni wo kele ko, ‘karan-mɔgɔ’ bawo wo damasi na-kelen-nyɔgɛ gbansan, ado Karan-Mɔgɔ kelen pe le ye wo bolo.

Matiyu 26:25

Ale Yudasi min ya a don a yogenu bolo tɔ, wo ya nyinikali kɛ ko, “Karan-mɔgɔ, i ye nde le ma?” Yisa ya a yabi ko, “Ɔn, ile le, yɔ!”

Matiyu 26:48

Ale min bi a donna a yogenu bolo tɔ, wo ara tamasere di nyama ma nun ko, “N ba min sunbu, ale le mɔgɛ wo la wo ye nyinina min ma. Wo ni ale bira!”

Maraka 15:18

Anu wulita a mayɛlɛnna a kɔndɔn tinɛ. Anu ko, “Yahudiyanuna mansɛ, alamɛ i mɛra!”

Luka 7:45

N nara tumɛ min, i ma n sunbu kɔnɔ kebi n nara, ale ma n kin-sunbɛ boloka.

Yɔni 19:3

Anu nara a wara ka a mayɛlɛn, anu ko, “Yahudiyanuna mansɛ, alamɛ i mɛra!” Anu ya anu bole layigi a ma.

Yɔni 4:31

Wo wati rɔ, ala karan-dannu ya a madiya ko, “Karan-mɔgɔ, i ti fen-dɔn-kɛ?”

1 Tɛsalonaika 5:26

Wo ni ma na-kelen-nyɔgɛ bɛɛ kɔndɔn keninteyɛ la.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’