Matiyu 26:41 - ALLALA KUMƐ

⁴¹ Wo ni ki wo ya la ka Alla madiya. Woletɔ nyankankantan wa na, hakɛ kana wo nɔ. Wo sɔn kɛndɛ wo burɔ kɔnɔ wo fɛrɛ-bɔnkɛ ti ko-wo-ko nɔ.”

Matiyu 26:41 Iomraidhean Croise

Yaburi 119:1

Duwa-dan le wo tigi la min telennɛ, fɛɛ sa a wara-koe la, ado a ye Marila tɔnnu natɔnbagayala.

Yaburi 119:115

Wole ko-yogoma-kɛlɛnu, wo ni wo masɛgi n na. Ndeta Alla ye min fɔla n ye, n bi wo le birala.

Yaburi 119:117

N bira. Wo si a ma, n ni kisi. Wo si a ma, n yili ni to ila sereyanu ko habadan!

Yaburi 119:32

I wara n hɛnkili ya maka min kɛ, ita sereyanu bira-sɔgɛ ye n yisi la dɔgɔma-ma-de!

Matiyu 24:42

“Wo rabɛnnɛ ni to bawo wo ma nde, Mari na-tele lɔn.

Matiyu 25:13

Yisa ko, “Nba, wo ni wo yɛ lakalan bawo wo ma n na-tele anubɛ a wati lɔn.

Matiyu 26:38

A ya a fɔ anu ye ko, “N yisi tɔrɔnɛ ha n fagamatoe le! Wo ni to yan ka ki wo ya la n fɛ.”

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Maraka 14:38

A ya a fɔ anu ye ko, “Wo ni ki wo ya la ka Alla madiya. Woletɔ nyankankantan wa na, hakɛ kana wo nɔ. Wo sɔn kɛndɛ wo burɔ kɔnɔ wo fɛrɛ-bɔnkɛ ti ko-wo-ko nɔ.”

Luka 11:4

I ni ma makoto ma hakɛ la iko male bɛrɛn bi wonu makotola nya min minnu bi ko-yogomɛ kɛla ma la. I kana sɔn, ma ni don kɔrɔbɔlɛ rɔ.’ ”

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 22:40

A kera nyɔ tumɛ min, a ya a fɔ anu ye ko, “Wo ni Alla madiya ko wo kana bui magbɛrɛnkɛ rɔ.”

Luka 22:46

A ya anu manyinika ko, “Wo ye kinɔgɔla nfenna? Wo ni wo lasɔ ka madiyali kɛ ko wo kana don magbɛrɛnkɛ rɔ.”

Luka 8:13

Sugi min fuira fara-kole ma, wo mani de iko mɔgɛ min bi kumɛ lamɔɛnna, ado a si a bira sewɛ la tiriya! Sugi wo fɛrɛnta kɔnɔ a ma ke a suli yigila. A dɛnkɛninyara wati-kundunɛ kɔrɔ kɔnɔ magbɛrɛnkɛ nara tumɛ min, a ya ala dɛnkɛninyɛ boloka.

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

1 Kɔrɛnti 9:27

N bi n nyɛrɛ fɛrɛ-bɔnkɛ ragbɛlɛyala ka n madegen feu! N bi wo mala alako n ba kawandili bɔ donu ye tumɛ min, tɔ-a-la, anu kana na ntɛ bɔ buri-kɛ ma.

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.