Matiyu 26:39 - ALLALA KUMƐ

³⁹ A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Matiyu 26:39 Iomraidhean Croise

Ko-Dabirɛnu 17:3

Burama ya a laburun a ma dugi ma ka Mari bato. Alla ya a fɔ a ye ko,

2 Samuwɛli 15:26

Kɔnɔ ni n ma di a ye tun, ko-wo-ko di a ye, a ni wo ma n na.”

1 Ko-Kɔrɔta-Karan 21:16

Mansa Dawuda ya ale niyi-bɔ-melika yen sɔnɛ san anubɛ dugu tɛma. Faan ye a bole la. A ye Yerusalɛm kasara-koe rɔ. Mansɛ anubɛ ala mɔgɔ-banu ya kasa-duruki don anu kan na. Anu damasi ya anu madu ka anu kunyɛ gbangban dugu ma.

Aiseya 50:5

Ma Tigi Mari ara ko-kɔrɔ-lɔn di n ma. N ma murutiya a ma. N ma n kan-kɔ sɔ a la.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Yilan-Yilan Koe 14:5

Musa anubɛ Aruna ya anu maburun dugi ma mɔgɛ bɛɛ yakɔrɔ.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Matiyu 20:22

Yisa ya a fɔ anubɛ ala dannu ye ko, “I ye n tarala min ma, i ma wo lɔn. N bi nala tɔrɔyɛ minnu sɔrɔnna, wo si kɛ wo munna wonu kɔrɔ?” Anu ya a yabi ko, “Ɔn, ma si ke le.”

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 26:42

Yisa tara tun a kinyama fila nyɔgɛ ka Alla madiya. A ko, “N Fa Alla, ni tɔrɔyɛ kɛ ti ke bɔla n dafɛ fɔ n ba n min a la, ile sako ni kɛ.”

Maraka 13:22

ado minnu ya anu nyɛrɛ mayira iko Alla le ya anu sɔ, wonu si bɔ gbɛ rɔ. Donu si anu nyɛrɛ ma nɛbinu na fanan. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Luka 17:16

A ya a sa dugi ma Yisa kin kɔrɔ ka baraka bira a ye, ado Samariya kɛ le kei wo la.

Yɔni 11:41

Anu ya kuri bɔ a dɛ la. Yisa ya a yɛ layɛlɛ san ma, a ko, “N Fa, n bi baraka birala i ye bawo i si i wɔlɔ matɔlɔ n na.

Yɔni 14:31

Dɛnkɛninyabɛlɛnu ni a lɔn ko n bara n Fa Alla keni. Woletɔ a ya min bɛɛ fɔ n ye, n bara wo bɛɛsi ma. “Ma ta wona ka bɔ yan.”

Yɔni 18:11

Yisa ya a fɔ Pita ye ko, “Ila faan lasɛgi a gbɛ rɔ! N Fa Alla ara yi-lafɛ min di n ma, i sa a fɛ, n ni n min wo la, wa?”

Yɔni 5:19

Yisa ya anu yabi ko, “N bi tonyɛ fɔla wo ye, nde, Allala dan ti ko-wo-ko kɛ n nyɛrɛ ma. N ya n Fa yen min mala, n bi wo le dɔrɔn mala. N Fa Alla ye wɔli min kɛla, nde, ala dan fanan bi wo le kɛla,

Yɔni 5:30

Yisa ko, “N ti ke ko-wo-ko mala n nyɛrɛ ma. N bi kiti tɛgɛla iko Alla ya a fɔ n ye nya min. Woletɔ nna kiti-tɛgɛ-nya telenta. N sa n tayala ka n nyɛrɛ diyana-koenu kɛ. Min ya n sɔ, n bi wo diyana-koenu denu kɛla.

Yɔni 6:38

N ti a gben bawo n ma yigi ka bɔ Arinyɛni tɔ n nyɛrɛ sako-kɛ-tinɛ. Min ya n sɔ, n bi wo le sako-kɛ-tinɛ.

Kɛwɔlɛnu 10:25

Nba, Pita kera tumɛ min, Kɔniliyasi ya a labɛn. A ya a sa a kɔrɔ a bato tinɛ.

Filipai 2:8

A ya a famayigi ka Allala kumɛ bira ha a donta sayɛ rɔ. A fagara kɔlɔma ma iko ko-yogoma-kɛlɛ.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.