Matiyu 26:15 - ALLALA KUMƐ

¹⁵ A ya a fɔ anu ye ko, “Ni n ya Yisa don wo bolo, wo si nfen di n ma?” Anu ya wodi-gbɛ bi-sawa dan ka wo di a ma.

Matiyu 26:15 Iomraidhean Croise

Ko-Dabirɛnu 38:16

Yuda ya a kɔndɔn. A ya a fɔ a ye ko, “Na, n ni n sa i fɛ.” Musi wo ko, “Ile si nfen di n ma, ki-n-bara-kelanla ko la?” Yaga, a mama-nyaganɛ le kɔnɔ a ma a lɔn.

Bɔ-Koe-Iyipiti 21:32

Ni mɔgɛ wola tura-feremɛ ya mɔgɛ dola yɔɔn sɔgɔ, tura-tigi wo ni wodi-gbɛ bi-sawa bɔ ka a di yɔɔn-tigi ma. Kɔnɔ wo si turɛ wo mabon kuri la.

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Matiyu 10:4

Saimon (min si kɛlɛ kɛ ala nyamanɛla ko la) anubɛ Yudasi-Isakariyati min ya Yisa don a yogenu bolo tɔ.

Matiyu 26:16

Ka a dabira wo tumɛ ma, Yudasi tora fɛrɛ nyinina Yisa don-koe rɔ anu bolo tɔ.

Kɛwɔlɛnu 1:18

Yudasi ya wodi min sɔrɔn ala ko-yogoma-kɛ fɛ, a ya dugi do san wo la. Wo kɔma, a buira nyɔ ka faga. A buyi tiira ha a nugu-yili bɛɛ bɔra.

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Kɛlɛ-Kurugbɛnu 16:5

Filisitinuna mansɛnu nara musi wo wara. Anu ya a fɔ a ye ko, “Samsin si a fanka sɔrɔn nya min, i ni fɛrɛ nyini a bolo ha a ni a fɔ i ye. Ni i ya wo ma, ma kelen-kelennamɛ-bɛɛ si wodi-gbɛ-gbu waga kelen kɛmɛ kelen (1,100) di i ma. I ni fɛrɛ nyini ma ye, ma si a bira nya min ka a kiri.”

Kɛlɛ-Kurugbɛnu 17:10

Maika ko, “Nba, to nde fɛ yan. Ile si ma n hɛnkili-kɔlɛ la ka saraka-masɔ-wɔlɛ kɛ n ye. San-bo-san, n si wodi-gbɛ-gbu tan di i ma anubɛ i fɛrɛya-bɔɛ anubɛ i beli-fan.”