Matiyu 26:10 - ALLALA KUMƐ

¹⁰ Anu bi min fɔ tinɛ, Yisa ye wo kalama. A ya a fɔ anu ye ko, “Wo ye musi kɛ nyagbala nfenna? A ara ko-nyimɛ le kɛ n ye kɛ la.

Matiyu 26:10 Iomraidhean Croise

Nihɛmaya 2:18

Wo kɔma, Alla ye n fɛ nya min wo, a ya n dɛnbɛ nya min wo, mansɛ ya min bɛɛ fɔ n ye wo, n ya wo dantɛgɛlɛ sa anu ye. Anu dama ko, “Awa, ma ni wɔlɛ dabira wona.” Anu ya anu mabɛn ka wɔlɛ dabira min si na Alla hɛnɛ.

Yobu 13:7

Nfenna wole ye foninyɛ fɔla? Wo lara a la ko wola foninyɛ wonu si tɔnɛ di Alla ma, wa?

Matiyu 26:11

Bolo-kolɔnnu si taran wo fɛ wati bɛɛ kɔnɔ nde ti taran wo fɛ wati bɛɛ.

Matiyu 26:9

Sɛnti kɛ ma si yira wodi-ba la nun ka wodi wo di bolo-kolɔnnu ma!”

Maraka 14:6

Kɔnɔ Yisa ko, “Wo fara a la! Wo ye musi kɛ nyagbala nfenna? A ara ko-nyimɛ le kɛ n ye kɛ la.

Luka 8:49

Yisa ye wo fɔla tumɛ min, kilayɛ nara ka bɔ kun-tigi warɛ ka a fɔ Yairasi ye ko, “Ila dunmusi ara faga. Hali i ma karan-mɔgɔ tɔrɔ tun.”

2 Kɔrɛnti 9:8

Nba, Alla si ke hɛrɛ dila wo ma ka tenbi wo makoe dan la. Woletɔ wo makoe-nyinya-fannu si taran wo bolo ka mɔgɔ donu fanan kɔ sewɛ la.

Kalesiya 1:7

Kɔnɔ kibara-nyima-gbɛrɛkɛ sa mumɛ! Mɔgɛ donu bi nyɔ minnu bi wo tɔrɔla. Anu bi anu tayala ka foninyɛ basan Kirasitila kibara-nyimɛ la.

Kalesiya 5:12

A sɔgɛ ye n na, minnu bi wo kɔndɔfilila, wonu kana dan kemininya-koe ma dɔrɔn. Anu ni anu nyɛrɛ ma tɛgannu na feu!

Kalesiya 6:17

A laban, bosa-pɛrɛ minnu bi n fɛrɛ ma, wonu bi a yirala ko Yisala yɔɔn le nde la. Woletɔ mɔgɔ-wo-mɔgɔ kana n tɔrɔ tun.

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

2 Tɛsalonaika 2:17

Mari ni yisi-kimɛ di wo ma ka wo sɛnbɛ don alako wo ye min kɛla wo, wo ye min fɔla wo, min bɛɛ kin, wo ni wonu kɛ.

1 Timoti 3:1

Tonya-kumɛ le kɛ la, ni chɔchi-mɔgɔ-bayɛ-sɔgɛ ye mɔgɛ do la, wɔli-nyimɛ-sɔgɛ ye a la wo la.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

2 Timoti 2:21

A ye wo nya le dɛnkɛninya-mɔgɛnu bara la. Ni mɔgɔ-wo-mɔgɔ ya a fara ko-yogomɛ kɛnu na ka a nyɛrɛ sɛninya, Alla si wo ma ata wɔli-kɛlɛ la min si gbiliyɛ sɔrɔn bawo a sɛnima, ado a rabɛnnɛ wɔlɔ-nyima-su-bɛɛ kɛ-koe la ala kun-tigi ye.

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Taita 3:1

I ni ila mɔgɛnu hɛnkili bila ko anu ni sonnɛya kun-tiginu anubɛ sɛnbɛ-tiginu ye. Anu ni wonuna kumɛ bira. Anu ni anu tabɛn kɛwɔli-nyimɛ-bɛɛ kɛ tinɛ.

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.