Matiyu 24:15 - ALLALA KUMƐ

¹⁵ “Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Matiyu 24:15 Iomraidhean Croise

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Daniyɛli 12:11

“Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Lankɛnimayɛ 1:3

Mɔgɔ-sewanɛ le wo mɔgɛ la min bi kitabu kɛ karanna. Mɔgɔ-sewanɛ le wonu na minnu bi anu tole masɔla wɔlɔyiya-kumɛ kɛnu na anubɛ min sɛbɛnɛ kitabu kɛ rɔ ka wonu bira, ado koe kɛ bɛɛ kɛ-tumɛ ara gbɛrɛn.

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.

Daniyɛli 9:23

Kebi i ya ila mataralɛ dabira wati min, Alla ya ila matarali-kan wo lamɔɛn. I di a ye woletɔ ko-rayirɛ min kera i ye, n bara na ka wo kɔrɛ yira i la.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

Kɛwɔlɛnu 6:13

Anu nara mɔgɛ donu na minnu ya foninyɛ fɔ a ma. Anu ko, “Tuma-wo-tuma, kei kɛ ye kumala Alla Bato-Bon-sɛnimɛ anubɛ Nɛbi Musala tɔn ma.

Lankɛnimayɛ 3:22

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’ ”

Kɛwɔlɛnu 21:28

Anu ya a lasɔnkɔ ko, “Isirɛla mɔgɛnu! Wo ni ma dɛnbɛ! Kei kɛ le ye tala dinkirɛ bɛɛ. A ye mɔgɛ bɛɛ karanna Isirɛla mɔgɛnu kan ma anubɛ Musata tɔn kan ma anubɛ Alla-Bato-Bɔn kɛ kan ma. Nba kaka, a ara na sibolo-gbɛrɛnu na Alla-Bato-Bɔn la ka kan-tina-sɛnimɛ kɛ latinya!” (

Isikiyɛli 40:4

Kei wo ya a fɔ n ye ko, “Ile hadama-dan, i yɛ bɛn n ma ka i tole masɔ a kin na! N si min bɛɛ yira i la, i yili ni to wonu ko bɛrɛkɛ bawo i nara wo lela ko la yan. I ye min bɛɛ rayenna yan, fɔ i ni ta wo rakaran Isirɛla mɔgɛnu ye.”

Yɔni 11:48

ni ma ya a to ka, mɔgɛ bɛɛ si dɛnkɛninya a ma. Romu sɛnbɛ-tiginu si wuli ka mala Bato Bɔn tinya anubɛ ka mala mɔgɛ bɛɛ lato dogbe!”

Yɛrɛmaya 44:29

Mari ko a ye nala wo kasarala nya min, a si wo tamasere yira wo la, a ko fɔ a wa wo tɔrɔ yan serr!

Daniyɛli 1:6

Mɔgɔ nanɛ minnu taranta mɔgɔ-yabɔnɛnu tɛma, wonu tɔgɛ le kɛnu na, Daniyɛli wo, Hananaya wo, Misiyɛli wo anubɛ Asaraya. Yuda bɔnsɔn-mɔgɛ le kɛ dama la.

Matiyu 24:16

Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.