Matiyu 24:10 - ALLALA KUMƐ

¹⁰ Mɔgɔ siyaman si dɛnkɛninyɛ boloka wo wati rɔ. Anu si anu nyɔgɔn don anu yogenu bolo ka anu nyɔgɔn kɔn.

Matiyu 24:10 Iomraidhean Croise

Matiyu 10:21

“Mɔgɛnu si anu na-kelen-nyɔgɛnu kunyɛ madon anu yogenu bolo alako anu ni anu faga. Fanu si wo nyɔgɔn ma anuna dannu na. Dannu si wuli anu sɔrɔnnɛnu kan ma hali ka anu nadon sayɛ rɔ.

Matiyu 11:6

Sika sa ale min tɔ ndela ko la, duwa-dan le wo tigi la!”

Matiyu 13:21

Kɔnɔ a ma don a yisi rɔ bɛrɛkɛ! A ti mɛ a rɔ. Nba, tɔrɔyɛ anubɛ gbɛlɛyɛ wa na tumɛ min kumɛ wola ko la, a si a boloka tiriya!

Matiyu 13:57

Woletɔ a bɔrɔbɔnɛ anu bolo. Anu ma sɔn dɛnkɛninyala a ma. Nba, Yisa ya a fɔ anu ye ko, “Nɛbi si gbiliyɛ sɔrɔn kan tinɛ bɛɛ fɔ a sɔrɔn-soe burɔ anubɛ ala mɔgɛnu bolo.”

Matiyu 24:11

Foninya-nɛbi siyaman si bɔ gbɛ rɔ minnu si mɔgɔ siyaman nasama.

Maraka 13:12

Mɔgɛnu si anu na-kelen-nyɔgɛnu kunyɛ don a yogenu bolo tɔ alako anu ni anu faga. Fanu si wo nyɔgɔn ma anuna dannu na. Dannu si wuli anu sɔrɔnnɛnu kan ma hali ka anu nadon sayɛ rɔ.

Maraka 4:17

Kɔnɔ a ma don anu yisi rɔ bɛrɛkɛ! A ti mɛ lefan. Nba, tɔrɔyɛ anubɛ gbɛlɛyɛ wa na tumɛ min, a si a boloka tiriya kumɛ wola ko la!

Luka 21:16

Wo sɔrɔnnɛnu wo, wo na-kelen-nyɔgɛnu wo, wo kebila-nyɔgɛnu wo, wo diyana-mɔgɛnu wo, wonu dama si wo don wo yogenu bolo tɔ, ado anu si donu faga wo rɔ.

2 Timoti 1:15

Iko i ya a lɔn nya min, min bɛɛ ye Esiya nyamanɛ rɔ, wonu bara anu kan-kɔ sɔ n na katarala Faigɛla anubɛ Hɛmogɛnisi ma.

2 Timoti 4:10

ado Dimasi ara bɔ n fɛ duninya kɛ diyɛla ko la. A ara ta Tɛsalonaika soe burɔ. Karɛsɛn fanan tara Kalesiya nyamanɛ rɔ. Taita tara Dametiya sigisɔn rɔ.

2 Timoti 4:16

N ya n fɛka fɔlɔtɛ kɛ tumɛ min, mɔgɔ-wo-mɔgɔ ma sɔ n fɛ. Bɛɛ bɔra n fɛ filili! Alamɛ Alla fonde kana bɔ anu kan ma!