Matiyu 23:8 - ALLALA KUMƐ

⁸ Kɔnɔ wo kana sɔn, mɔgɛ ni wo kele ko, ‘karan-mɔgɔ’ bawo wo damasi na-kelen-nyɔgɛ gbansan, ado Karan-Mɔgɔ kelen pe le ye wo bolo.

Matiyu 23:8 Iomraidhean Croise

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 23:10

Wo kana mɔgɔ-wo-mɔgɔ kele ko, ‘n tigi’ bawo wo Tigi kelen pe ye nyɔ, wo le Allata-Mɔgɔ-Yabɔnɛ la.

Matiyu 23:7

Gbiliya-kɔndɔli di anu ye bari rɔ. A fɛrɛ sa fɔ mɔgɛnu ni anu kele ko, ‘Karan-mɔgɔ.’

Matiyu 26:25

Ale Yudasi min ya a don a yogenu bolo tɔ, wo ya nyinikali kɛ ko, “Karan-mɔgɔ, i ye nde le ma?” Yisa ya a yabi ko, “Ɔn, ile le, yɔ!”

Matiyu 26:49

Yudasi-Isakariyati nara tumɛ min, a ya a telen Yisa la kelenna! A ko, “Karan-mɔgɔ, i ni wura.” A ya a sunbu.

Maraka 10:51

Yisa ya a manyinika ko, “I ye a fɛ, n ni nfen ma i ye?” Fiyɔn ya a yabi ko, “N tigi, n bi a fɛ, n ni fen yen tun.”

Maraka 11:21

Min kera nun, Pita ya a hɛnkili to wo ko. A ya a fɔ Yisa ye ko, “Karan-mɔgɔ, i ya toro-kuri min danka, wo mafɛlɛn, a la ara gbala feu!”

Maraka 14:45

Yudasi kera nya min wo, a tara Yisa wara. A ko, “Karan-mɔgɔ!” A ya a sunbu.

Maraka 9:5

Pita ya a fɔ Yisa ye ko, “N tigi, a bɛnta ma ye yan. Ma ni lele sawa sɔ, kelen itɛ, kelen Musatɛ, kelan Ilayatɛ.”

Luka 22:32

Kɔnɔ Saimon, n bara Alla madiya ile ye ko ila dɛnkɛninyɛ kana ban. I wa sɛgi nde ma tumɛ min, i ni i na-kelen-nyɔgɛnu sɛnbɛ don.”

Yɔni 1:38

Yisa ya a yɛ lasɛgi. A ya anu bilanɛ yen a fɛ. A ya anu manyinika, a ko, “Wo ye nyinina nfen ma?” Anu ya a yabi ko, “Karan-mɔgɔ, i siginɛ mintɔ?”

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

Yɔni 11:8

Ala karan-dannu ya a yabi ko, “Karan-mɔgɔ, a ma wati-yan bɔ, Yahudiyanu bi a fɛ ka i mabon kuri la nyɔ. I ye a fɛ, i ni sɛgi nyɔ tun, ba?”

Yɔni 20:16

Yisa ya a fɔ a ye ko, “Mariyama.” Mariyama ya a tintan ka a fɔ a ye ko, “Karan-mɔgɔ.” (A ya wo fɔ Hiburu-kan rɔ ko, “Rabonai.” Wo kɔrɛ le, “Karan-mɔgɔ.”)

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 3:26

Woletɔ anu tara Yɔni wara ka a fɔ a ye ko, “Karan-mɔgɔ, i ya minna ko fɔ, nba, wo ye mɔgɛnu batasila kaka, ado mɔgɛ bɛɛ ye tala a wara!”

Yɔni 4:31

Wo wati rɔ, ala karan-dannu ya a madiya ko, “Karan-mɔgɔ, i ti fen-dɔn-kɛ?”

Yɔni 6:25

Mɔgɛnu ya Yisa taran dalɛ kɔma tumɛ min, anu ya a manyinika ko, “Karan-mɔgɔ, i nara yan wati nyamintan?”

Yɔni 9:2

Ala karan-dannu ya a manyinika ko, “Karan-mɔgɔ, yon hakɛ ya a ma, kei kɛ sɔrɔnta fiyonyɛ rɔ, a nyɛrɛta hakɛ, ka, a sɔrɔnbagɛnu?”

2 Kɔrɛnti 1:24

Male sa kun-tigiyɛ kɛla ka a fɔ wo ye wo si dɛnkɛninya min ma! Ma ye wɔlila ma nyɔgɔn fɛ wo nyɛrɛta sewɛla ko la bawo ma ya a lɔn ko wo sɔnɛ dɛnkɛninyɛ rɔ yiri!

2 Kɔrɛnti 4:5

Ma sa ma nyɛrɛta koenu kawandili bɔla. Ma ye kawandili bɔla ko Yisa Kirasiti, Mari le. Ma ko male nyɛrɛ le wota wɔli-kɛlɛnu na Yisala ko la.

Ɛfɛsa 3:15

nima-fan bɛɛ ya a niyi sɔrɔn ale min bolo, san-kole anubɛ dugu-kole ma.

Failiman 1:16

ado yɔɔn dɔrɔn ma a la tun kaka. A ara tenbi yɔɔn la gbɛ! I na-kelen-nyɔgɛ le Kirasiti rɔ. Ale di nde ye kati, ado a si diya ile ye ko-nya filɛ bɛɛ ma bawo ila yɔɔn le anubɛ i na-kelen-nyɔgɛ Mari rɔ!

Yemesi 3:1

N na-kelen-nyɔgɛnu, wo siyaman kana ma karan-mɔgɛnu na bawo wo ya a lɔn ko male karan-mɔgɛnuta kiti si gbɛlɛya mɔgɔ-gbɛrɛnutɛ ko.

1 Pita 5:3

Mɔgɛ minnu kerifanɛ wo la, wo kana wo raya ka wola sɛnbɛ mayira wonu na fɔ ka ma misala-nyimɛ la anu ye.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 22:9

Kɔnɔ a ya a fɔ n ye ko, “I kana wo ma de! Wobɛ i na-kelen-nyɔgɛ nɛbinu, ma wɔli-kɛ-nyɔgɛnu de ma nyɔgɔn na anubɛ min bɛɛ ye kitabu kɛta kumɛnu birala. I si Alla le dɔrɔn bato!”