Matiyu 23:5 - ALLALA KUMƐ

⁵ Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 23:5 Iomraidhean Croise

2 Mansɛnu 10:16

Mansɛ ya a fɔ a ye ko, “N bara n nyɛrɛ latenbi Mari ma nya min, ile fanan nyɛrɛ ni ta wo rayen.” Anu tara Samariya ala kirindi rɔ.

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Hɛnkilimaya-Kumɛnu 3:3

I kana i bɔ keninteyɛ rɔ, wo kɔma, i kana lanayɛ boloka. Wonu ni ma ila kan-na-fan la ka anu sɛbɛ i yisi rɔ.

Saraka-Masɔlɛnuta Tɔnnu 13:32

A tele wɔrɔnfila nyɔgɛ wo ma, saraka-masɔlɛ si a mafɛlɛn tun. Ni a ya a yen, ala tɛlɛ fafani ma a ma, a kun-sigi kin, tɛlɛ-dɛ rasinni ma,

Matiyu 9:20

Anu tamatoe, musi do ye nyɔ musinuna kirayɛ ye min na san tan-ni-fila kɔrɔ. A ya a fɔ a yisi rɔ ko, “Ni n ya n bole tugu ala duruki da-gbole la dɔrɔn, n si kɛndɛya.” Woletɔ a nara Yisa kɔma ka a bole tugu ala duruki da-gbole la.

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Luka 20:47

Anu bi kɛɛ-musinu kensunyala ka anuna bɔnnu bi anu bolo, wo kɔma ka anu nyɛrɛ mayira madiyali-lafasayannɛnu fɛ! Anuna tɔrɔyɛ si yogoya bɛɛtɛ ko!”

Yɔni 12:43

Mɔgɔta matɔgɔlɛ di anu ye Allata matɔgɔlɛ ko.

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Yɔni 7:18

Mɔgɛ min bi kumala a nyɛrɛta miriya rɔ, a di a ye, a ni matɔgɔlɛ sɔrɔn mɔgɛnu bolo. Kɔnɔ ni mɔgɛ min ye a fɛ ka a sɔlɛ gbiliya, tonya-fɔlɛ le wo la, foninya-wo-foninya sa a da rɔ.

Tɔn-Fɔɛ-Fila-Nyɔgɛ 11:18

“Wo ni wo miri tɔn kɛnu ma ka anu bira wo yisi rɔ gben! Wo ni anu sɛbɛ ka anu kiri wo bolenu na. Wo ni anu kiri wo telɛ ma, woletɔ wo si to wo mirila anu ma a kilɛ fɛ.

Tɔn-Fɔɛ-Fila-Nyɔgɛ 22:12

“Wo ni wola kurɛ ladan ka a bunsan sɔ a tonko nanɛ la.”

Tɔn-Fɔɛ-Fila-Nyɔgɛ 6:8

Wo ni anu sɛbɛ ka anu kiri wo bolenu na. Wo ni anu kiri wo telɛnu ma fanan, woletɔ wo si to wo mirila anu ma a kilɛ fɛ.

Filipai 1:15

Nba, minnu bi Kirasitila kawandili-koe bɔla, anu donu bi wo bɔla keliyɛ anubɛ sɔsɔlɛ la anu bolo. Donu bi ala kawandili-koe bɔla anu kɔntɔ-nyimɛ la.

Filipai 2:3

Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ!

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.