Matiyu 22:4 - ALLALA KUMƐ

⁴ Woletɔ kɔnyɔ-masɔɛ sara minnu kɔrɔ, a ya a sara ala wɔli-kɛla-gbɛrɛnu na ko, ‘Wo ta a fɔ wonu ye ko koe bɛɛ ra ara bɛn. N bara turɛnu anubɛ ninki-den-tɔlɔnɛnu faga. Ma ara fan bɛɛ rabɛn. Anu ni na kɔnyɔ-masɔɛ rɔ!’

Matiyu 22:4 Iomraidhean Croise

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Hɛnkilimaya-Kumɛnu 15:17

Yanni wo ni to sogo-kɛɛnmɛ dɔnna, koninteyɛ ye wobɛ wo na-kelen-nyɔgɛnu tɛma, a fisa, wobɛ wo na-kelen-nyɔgɛnu ni to sɔsɛ dɔnna keninteyɛ rɔ.

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Matiyu 21:36

Wo kɔma, a ya wɔli-kɛla-gbɛrɛnu nata tun minnu siya a fɔlɔtɛnu ko. Anu ya wonu fanan bira wo nya.

Matiyu 22:5

Kɔnɔ minnu kelenɛ, wonu ma anu tole masɔ wo la. Anu tara anu nyɛrɛ makoenu tɔ. Kelen tara ala sɛnɛ rɔ. Do tara feri-kɛ-tinɛ.

Matiyu 22:8

Wo kɔma, a ya ala wɔli-kɛlɛnu kele tun. A ko, ‘Ma ara kɔnyɔ-masɔɛ rabɛn kɔnɔ n ya minnu kele, a ma kɛn, anu ni na tun.

Luka 14:17

Ala ladiyɛ kenɛ, a ya ala wɔli-kɛlɛ sɔ ka a fɔ ala sundannu ye ko, ‘Wo na, fan bɛɛ ra ara bɛn!’

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Romu 8:32

A ma a nyɛrɛta dan, Yisa yamasansan fɔ ka a bɔ sarakɛ la ma damala ko la. Ni a ara ala dan di ma ma, a ti fan bɛɛsi di ma ma fanan, wa?