Matiyu 21:5 - ALLALA KUMƐ

⁵ “A fɔ Mansa Dawudala so-burɔ-mɔgɛnu ye ko ala mansɛ ye nala a wara. A famayiginɛ. A siginɛ sofɛlɛ la. A siginɛ sofɛli-bulan la.”

Matiyu 21:5 Iomraidhean Croise

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

2 Samuwɛli 16:2

Mansa Dawuda ya ale Saiba manyinika. A ko, “I ye tala nfen mala kɛ dama la?” Saiba ya a fɔ a ye ko, “Sofɛlɛ kɛnu nara ila denbayɛ ye alako anu kana tagama anu kian la. Dɔn-fan kɛnu, ila mɔgɛnu dɔntɛ le wonu na. Anu ba bandan tagamana kan min wulɛ rɔ, anu si anu kan lakimɛ nɔnbɔ-gbɔ-yi wo la.”

1 Mansɛnu 1:33

mansɛ ya a fɔ anu ye ko, “Wobɛ n makandannɛnu ni nna den Silamɛni bi ka a sigi n nyɛrɛta sofɛlɛ la. Wo ni ta a la Kiyɔn tenke dafɛ.

1 Mansɛnu 10:26

Mansa Silamɛni ya kirindi min sɔrɔn, waga kelen, kɛmɛ nani (1,400). A ya kɛlɛ-kɛ-soee min nadɛn a nyɛrɛ ye, waga tan-ni-fila (12,000). A ya donu namara Yerusalɛm soe burɔ. A ya donu namara soe donu tɔ.

Yaburi 9:14

woletɔ n si ke sɔla mɔgɛ bɛɛ yakɔrɔ Yerusalɛm soe burɔ ka i matɔgɔ-koenu fɔ anu ye. N si sewa bawo i wara n nakisi.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 62:11

Mari ye a fɔla duninya mumɛ bɛɛ ye ko a ye nala Yerusalɛm kɛnu nakisila, ado a ara minnu kunyɛ bɔ biralɛ rɔ, a ye nala wonu na tun.

Isikiyɛli 34:24

Nde si ma anuta Alla la. Anuna mansɛ wo si taran anu kun na iko nta wɔli-kɛla Dawuda taranta anu kun na nya min. Nde, Mari ara ban wo fɔla.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Yilan-Yilan Koe 24:19

Anu si to anu yogenu tadonna anu kian kɔrɔ iko bore. Anu si to anu fagala ka anu ban fegba!’ ”

Matiyu 11:29

Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Matiyu 2:2

Anu ya nyinikalɛ kɛ ko, “Dennɛ min sɔrɔnta ka na ma mansɛ la Yahudiyanu kun na, wo ye mi? Ma ara a sɔrɔn-tamasere-lole yen ma warɛ tele-bɔɛ min kɛ, ma ara na a bato tinɛ.”

Matiyu 2:6

‘Ile Bɛtalehɛm soe, so dɔgɔmanɛ ma i la tun Yuda nyamanɛ rɔ bawo kun-tigi do si bɔ ile rɔ min si kun-tigiyɛ kɛ Isirɛla mɔgɛnu kun na, Marita mɔgɛnu, kɔni.’ ”

Matiyu 21:6

Woletɔ ala karan-dan wonu tara. Yisa ya min fɔ anu ye, anu ya wo kɛ.

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

2 Kɔrɛnti 10:1

Donu bi a fɔla nde, Pɔli ma ko n tenbi wo tɛma, n famayiginɛ kɔnɔ n ba bɔ wo fɛ tumɛ min, n kerinteyanɛ wo la. N bi a fɛ ka kuma wo ye dinyɛ anubɛ nyimayɛ la iko Kirasiti duruta a mala nya min nun.

Tɔn-Fɔɛ-Fila-Nyɔgɛ 17:16

Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!

Kɛlɛ-Kurugbɛnu 12:14

A ya den-kei mɔgɔ bi-nani sɔrɔn anubɛ a mamani keimɛ mɔgɔ bi-sawa. Sofɛlɛ bi-wɔrɔnfila ye wonu bolo. San segin kɔrɔ, Abadan ye kɛlɛ-kurugbayɛ la Isirɛla mɔgɛnu kun na.

Kɛlɛ-Kurugbɛnu 5:10

Wole nɔnfulu-tigi minnu bi sigila kirikɛnu kuma wola sofɛli-gbɛnu na, wole bolo-kolɔn minnu bi tagamana wo kiannu na, wa wo yili to kɛ ko.