Matiyu 21:41 - ALLALA KUMƐ

⁴¹ Anu ya a yabi ko, “A si mɔgɔ-yogomɛ wonu faga serr, ka mɔgɔ-gbɛrɛnu sinka a la minnu si atɛ di a ma a keri-wati rɔ.”

Matiyu 21:41 Iomraidhean Croise

Yaburi 2:9

A ko n si nɛgɛ-gbelekɛ bi ka anu kunyɛ lasɛgi a rɔ. N si anu kasara iko mɔgɔ wa bɔnku-dagɛ ratii.

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Sakaraya 12:12

Denbaya kelen-kelennamɛ-bɛɛ si di a dan na. Mansa Dawuda kegeyɛnu wo, Netan kegeyɛnu wo, Lifayi kegeyɛnu wo, Sɛmɛyi kegeyɛnu wo, wonu dama si di. Denbaya-toe mumɛ bɛɛ si di a dan na. Bɛɛ si di anu nyɔgɔn fɛ anu dan na, kei wo, musu wo.

Sakaraya 13:8

A ko ni a ya mɔgɔ sawa-wo-sawa taran, a si fila-fila bɔ wonu na ka anu faga.

Matiyu 21:34

Anu gbɔ-keri-wati kera tumɛ min, a ya ala wɔli-kɛlɛnu nata anu ma ko anu ni atɛ don wonu bolo.

Matiyu 21:40

Yisa ya nyinikali kɛ. A ko, “Nba, ki-fen-tigi wa na tumɛ min, a si nfen ma kɛnu na?”

Matiyu 21:43

Woletɔ n bi a fɔla wo ye. Allala mansayɛ si bi wole bolo ka di wonu ma minnu si ko-latelennɛ ma. [

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Luka 20:16

A si na ka anu faga ka ki-fannu sinka mɔgɔ-gbɛrɛnu ma.” Mɔgɛnu ya kɛ lamɔɛn tumɛ min, anu ko, “Alamɛ ma kisira wo ma!”

Kɛwɔlɛnu 15:7

Anu mɛra sɔsɔli siyaman sala. Tɔ-a-la, Pita ya a lasɔ. A ko, “N na-kelen-nyɔgɛnu, wo ya a lɔn ko Alla ara nde yabɔ wo tɛma kebi fɔlɔ ka Yisata kibara-nyima-kawandili bɔ sibolo-gbɛrɛnu ye alako anu fanan ni a lamɔɛn ka dɛnkɛninya.

Kɛwɔlɛnu 18:6

Kɔnɔ tɔ-a-la, anu ya a sɔsɔ ka a manyini. Woletɔ a ya ala duruki ragbɔngbɔn anu kan ma. A ya a fɔ anu ye ko, “Ni wo halakira, wo ti mɔgɔ ta-a-la! Nta sa a rɔ. Ka a dabira bi ma, n si ta sibolo-gbɛrɛnu wara la.”

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Kɛwɔlɛnu 28:8

Mansa Pubiliyasi fa kirɛ sanɛ fɛrɛma-kaliyɛ anubɛ yele-kono-dumɛ bolo. Pɔli donta ala konko la ka a bole sa a kuma. A ya Alla matara a ye. A kɛndɛyara.

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.