Matiyu 20:34 - ALLALA KUMƐ

³⁴ Yisa kinikinita anu ma. A ya a bole maga anu yɛ la. Anu kera fen yenna kelenna! Anu bilara a fɛ.

Matiyu 20:34 Iomraidhean Croise

Yaburi 119:67

N sa kila-nyima fɛ nun, woletɔ i ya n tɔrɔ kɔnɔ n bi ita sereyanu birala kaka.

Yaburi 119:71

Nna tɔrɔyɛ bɛnta n ma bawo wo le ya a ma, n ya ita sereyanu lɔn.

Yaburi 145:8

Mari fanɛ keninteyɛ anubɛ kinikinɛ la. A ti diminya tiriya, ado dan sa ala keninteyɛ la.

Matiyu 14:14

Yisa bɔra kulɔn rɔ tumɛ min, a ya nyama yen min kɛ, a yisi fara kinikini la anuna ko la. A ya anuna kirayatoenu nakɛndɛya.

Matiyu 15:32

Yisa ya ala karan-dannu kele a wara ka a fɔ anu ye ko, “N bara kinikini mɔgɛ kɛnu ma bawo anu bara tele sawa kɛ n fɛ. Nba kaka, dɔn-fen sa anu bolo. A ma di n ye ka anu nata, ni n ma anu de-nyini fɔlɔn. Anu tenbi tala anu barɛ, tumado anu si kirɔn-a-la kilɛ la.”

Matiyu 20:33

Anu ya a yabi ko, “Ma fa, ma ye a fɛ, i ni ma yɛ laka!”

Matiyu 21:1

Anu gbɛrɛnta Yerusalɛm ma tumɛ min, anu nara Bɛtafagi soe burɔ Ɔlifi kɔnkɛ dafɛ. Yisa ya ala karan-den fila lata anu yarɔ.

Matiyu 8:15

Yisa ya musi wo bole bira tumɛ min, fɛrɛma-kaliyɛ ya a boloka. Musi wo ya a lasɔ ka wɔlɛ kɛ dabira Yisa ye.

Matiyu 9:29

Nba, Yisa ya a bole tugu anu yɛ la. A ko, “A ni ma wo ye iko wo dɛnkɛninyanɛ nya min!”

Matiyu 9:36

A ya nyama yen tumɛ min, a yisi lafara kinikinɛ la anuna ko la bawo anu kɔndɔfilinɛ. Anu ti ke anu nyɛrɛ fɛ-birala iko sagɛ minnu fɛ-birala sa.

Maraka 7:33

Woletɔ Yisa ya a bi ka a bɔ nyama tɛma ka ta a la a dan na. A ya a bolo-nɔlɔnɛnu nadon a tolenu tɔ. Wo kɔma, a ya a da-yi kɛ a bolo-nɔlɔnɛ ma ka wo nɔrɔ kei wo nagan ma.

Luka 18:43

Tiriyante wo rɔ, a kera fen yenna. A bilara Yisa fɛ. A ye baraka birala Alla ye. Mɔgɛnu ya wo yen tumɛ min, anu dama ya Alla tanto fanan.

Luka 22:51

Kɔnɔ Yisa ya a fɔ anu ye ko, “Wo ni a to wo ma!” A ya a bole maga kei wo tole la ka a dandan.

Luka 7:13

Mari ya musi wo yen tumɛ min, a kinikinita a ma bɛrɛkɛ! A ya a fɔ musi wo ye ko, “I kana di.”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.