Matiyu 20:2 - ALLALA KUMƐ

² A sɔnta ka anu sara iko tele-kelen-sarɛ ye nya min. Wo kɔma, a ya anu nata ala sɛnɛ rɔ wɔli-kɛ-tinɛ.

Matiyu 20:2 Iomraidhean Croise

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

Makawandili Kumɛnu 12:1

I tenbi fonikeyɛ rɔ, i miri i Dali-Mari ma. Wati-gbɛlɛyanɛnu bi nala i si a fɔ ko, “Koe bɛɛ bɔrɔ ara bɔ n ye.”

Matiyu 18:28

“Mansɛ wo ya min makoto, wo tara ka a wɔli-kɛ-nyɔgɛ taran ala yili-nɛ ye min na. A ya wo bira a kan ma. A ko, ‘Nna yili sara!’

Matiyu 20:1

Yisa ko, “Allata mansayɛ min bi Arinyɛni tɔ, wo mani de iko sɛni-tigi min tara wɔli-kɛlɛnu nyini tinɛ subaga dɛ ma.

Matiyu 20:13

“Sɛni-tigi ya mɔgɔ kelen yabi anu tɔ ko, ‘N bɔ, i tole masɔ. N ma i kensunya. Wo sɔnta tele-kelen-sarɛ wo ma.

Matiyu 20:3

A mɛnɛ doni, a tara soe burɔ tun. A ya mɔgɛ donu sɔnɛ taran nyɔ, wɔli sa minnu bolo.

Matiyu 20:9

Minnu ya wɔlɛ dabira tele-mayigi-wati, wonu kelen-kelennamɛ-bɛɛ ya tele-kelen-sarɛ sɔrɔn.

Matiyu 22:19

Wo ni duti-wodi do yira n na!” Anu nara wodi-mɛlan do la a ma.

Matiyu 9:37

Nba, a ya a fɔ ala karan-dannu ye ko, “Fui-fan-tɛgɛtɛ kolo kɔnɔ a tɛgɛlɛnu ma siya.

Maraka 12:15

Kɔnɔ Yisa ya anuna yanfɛ yen. A ya a fɔ anu ye ko, “Wo ye wo rayala n bira-koe ma nfenna? Na duti-wodi do la, n ni a mafɛlɛn.”

Luka 1:15

bawo dan wo si ma mɔgɔ-ba la Mari yala. Fenfen min si mɔgɔ bira iko baan, a kana wo min. Ka a dabira a sɔrɔn wati ma, a si fa Allata Ni-Sɛnimɛ la.

Luka 10:35

Wo banda kɛ, a ya wodi-gbɛ fila bɔ ka a di sundan-yiya-bon-kun-tigi ma. A ya a fɔ wo ye ko, ‘I ni a dandan n ye. N ba sɛgi yan tumɛ min, ni i ya fenfen sara ala ko la, n si wo lasɛgi i ma.’ ”

Luka 20:24

“Wo ni wodi-mɛlan do yira n na.” Anu nara a la, a ko, “Yon yakɔrɛ anubɛ a tɔgɛ ye kɛ ma?” Anu ya a yabi ko, “Romu nyamanɛ-kun-tigi-ba.”

2 Timoti 3:15

Kebi i dennɛ, i wara Allala kitabu-sɛnimɛnu lɔn. Wonu denu si ke hɛnkili dila i ma alako i si dɛnkɛninya Yisa Kirasiti ma nya min ka kisi.

Lankɛnimayɛ 6:6

N ya kan do lamɔɛn min mani iko kuman-kan. Wo ye bɔla dali-fen nanɛ wonu tɛma. A ko, “Pani-kunbɛ-nya kelen fui-fan si tele-kelen-sarɛ bɔ. Fui-fan min tɔgɛ bali, wo pani-kunba-nya sawɛ si tele-kelen-sarɛ bɔ. Kɔnɔ i kana fɛɛ sa ɔlifi-tuli anubɛ nɔnbɔ-gbɔ-yi la!”

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.

1 Samuwɛli 2:26

Samuwɛli tora koloyala, ado a diyanɛ Mari anubɛ mɔgɛnu ye.

1 Samuwɛli 3:1

Samuwɛli ye Marita wɔlɛ kɛla Ilayi kɔrɔ wati min, Mari sa kuma-siyaman fɔla mɔgɛnu ye wo wati rɔ nun, ado ala ko-rayirɛ fanan ma siya mɔgɛnu ye.

1 Samuwɛli 3:21

Mari tora kumala Samuwɛli ye Sailo soe burɔ ka ko-rayirɛ kɛ a ye, ado Samuwɛli kumara tuma-wo-tuma, Isirɛla mɔgɛnu si anu tole masɔ a la.