Matiyu 20:16 - ALLALA KUMƐ

¹⁶ Yisa ko, “A ye wo nya le, a labannu si ma a fɔlɔtɛnu na. A fɔlɔtɛnu si ma a labannu na.”

Matiyu 20:16 Iomraidhean Croise

Matiyu 19:30

Kɔnɔ minnu bi a fɔlɔtɛ la, wonu si ma a laban la. Minnu bi a laban la, wonu si ma a fɔlɔtɛ la wulɔn.”

Matiyu 21:31

“Nba, wo filɛ tɛma, yon ya a fa sako kɛ?” Anu ya a yabi ko, “A kinamɛ.” Yisa ya a fɔ anu ye ko, “Nba, wo ni wo hɛnkili to kɛ ko! Duti-makelelɛnu anubɛ yɛlannu si don Allala mansayɛ rɔ wo yarɔ.

Matiyu 22:14

Yisa ya kumɛ wo kundon ko, “Mɔgɔ siyaman kelenɛ kɔnɔ minnu yabɔnɛ, wonu ma siya.”

Matiyu 7:13

“Wo ni don da-dɔgɔmanɛ la bawo kilɛ min bi tala nyahanama rɔ, wo don-dɛ kolo. A tagama-ko ma gbɛlɛ, ado mɔgɔ siyaman bi tala wo le fɛ.

Maraka 10:31

Minnu mara a fɔlɔtɛ la, wonu si ma a laban la. Minnu mara a laban la, wonu si ma a fɔlɔtɛ la wulɔn.”

Luka 14:24

N bi a fɔla i ye, n ya minnu fɔlɔn kele, anu ma sɔn nala, n ya dɔn-fan min te, anu fenfen ti anu nagan sɔ wo la mumɛ!’ ”

Luka 15:7

N bi a fɔla wo ye, hakɛ-tigi kelen ba tubi, sewɛ si kɛ Arinyɛni tɔ wo kelenna ko la ka tenbi mɔgɔ-telennɛ bi-kɔnɔntɔ anubɛ kɔnɔntɛ la minnu miriya ko anu mako sa tubi-koe la.

Luka 7:47

N bi a fɔla i ye ko musi kɛ ara keninteyɛ min yira, wo ara bɔ gbɛ rɔ ko ala hakɛ siyamɛnu ma ara koto. Kɔnɔ minna hakɛ-nɛ makotora, wo si keninteyɛ dɔgɔmanɛ yira.”

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Romu 9:30

Ma si nfen fɔ worɔ? Sibolo-gbɛrɛ minnu sa anu tayala nun ka anu nyɛrɛ latelen Alla ye, wonu denu bara telen a ye dɛnkɛninyɛ baraka rɔ.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.