Matiyu 2:4 - ALLALA KUMƐ

⁴ A ya saraka-masɔla-wɛnu anubɛ tɔn-karan-mɔgɛnu nadɛn ka anu manyinika ko, “Wola Kirasiti kɛ si sɔrɔn kan tinɛ mintan tɔ?”

Matiyu 2:4 Iomraidhean Croise

2 Ko-Kɔrɔta-Karan 34:13

wonu bi bato-bon-miran-madununɛnu kun na. Donu bi wɔli-kɛlɛ donu kun na. Donu bi sɛbɛli kɛla. Fen-makandannɛ le donu na.

2 Ko-Kɔrɔta-Karan 34:15

A ya a fɔ kɛdi sɛbɛla Safan ye ko, “N bara tɔn-buku yen Bato-Bɔn kɛ la yan.” A ya tɔn-buku wo bi ka a don Safan bolo.

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Ɛsira 10:5

Woletɔ a saraka-masɔ-kun-tigi wo, a Lifayi wo, anubɛ Isirɛla mɔgɔ-to wo, nde, Ɛsira ya a ma, anu dama ya anu keli Alla ye ko anu si a ma iko Sɛkanaya ya a fɔ nya min nun.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Nihɛmaya 12:7

Salu wo, Emɔki wo, Helikaya wo, anubɛ Yɛdaya. Saraka-masɔla kun-tigi le kɛnu na Saraka-Masɔla-Kun-Tigi-Wɛ Yasowata wati rɔ.

Yaburi 2:2

Nfenna anuna mansɛnu kɛnɛna sɔla Mari la? Nfenna anuna mɔgɔ-banu bi kɛwuyɛ sigila Marita mansa-yabɔnɛ la?

Yɛrɛmaya 8:8

Mari ko wo ye a fɔla wo nyɛrɛ ma ko wo hɛnkili kolo. Wo ko wo ara hɛnkili sɔrɔn ale Marita karan rɔ. Kɔnɔ wola tɔn-sɛbɛlɛnu bi Allata kumɛnu gba-yɛlɛmanna. Wonu fanan bara foninyɛ sɛbɛ anuna kalɛ la.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Matiyu 13:52

Woletɔ a ya a fɔ anu ye ko, “Nba, Alla min bi Arinyɛni tɔ, tɔn-karan-mɔgɛ min bɛɛ ara ma karan-dannu na ata mansayɛ rɔ, wonu mani de iko bon-tigi min bi fen-kurɛnu anubɛ a kɔrɔmɛnu nabɔla ala fen namara tinɛ.”

Matiyu 2:3

Mansa Hɛrodi ya anuna nyinikalɛ lamɔɛn tumɛ min, wo ya a yisi tɔrɔ bɛrɛkɛ, ado kumɛ wo ya Yerusalɛm kɛ bɛɛ tɔrɔ.

Matiyu 2:5

Anu ya a yabi ko, “A si sɔrɔn Bɛtalehɛm soe burɔ Yudiya nyamanɛ rɔ. Ma ya wo lɔn bawo nɛbi do ya a sɛbɛ nun ko,

Matiyu 21:15

Saraka-masɔla-wɛnu anubɛ tɔn-karan-mɔgɛnu ya Yisa yen kabana-koenu kɛla. Anu ya a lamɔɛn dennɛnu bi anu kan nabɔla Alla-Bato-Bɔn la ko, “Mansa Dawudala dan, i ni sɛnɛ!” Wo le ya a ma, anu diminyara.

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Matiyu 26:3

Saraka-masɔla-wɛnu anubɛ Yahudiya-kɛmɔgɛnu ya anu nadɛn Saraka-Masɔla-Kun-Tigi Kaifasi warɛ.

Matiyu 26:47

A ye kumɛ wo kun na tumɛ min, Yudasi min bi Yisala karan-den tan-ni-filɛ tɛma nun, wo nara. Saraka-masɔla-wɛnu anubɛ Yahudiya-kɛmɔgɛnu ya nyama min sɔ, wonu bi a fɛ. Faannu anubɛ gbelekɛnu bi wonu bolo.

Matiyu 27:1

Subaga-dɛ ma, saraka-masɔla-wɛ bɛɛ anubɛ Yahudiya-kɛmɔgɛnu ya anu nyɔgɔn nadɛn ka sɔn Yisa faga-koe ma.

Matiyu 7:29

Anu ko ale sa iko anuna tɔn-karan-mɔgɛnu bawo fanka ye ala karan la.

Maraka 8:31

Wo kɔma, Yisa ya ala karan-dannu karan dabira. A ko, “A fɛrɛ sa fɔ nde, Hadama-dan ni tɔrɔ Yahudiya-kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. Anu si anu ban n na ka n faga. A tele sawa nyɔgɛ, Alla si n nawuli tun ka bɔ furinu tɛma.”

Luka 20:19

Tɔn-karan-mɔgɛnu anubɛ saraka-masɔla-wɛnu ya anu taya wo wati rɔ ko anu ni Yisa bira bawo anu ya a lɔn ko a ya tili kɛ tɛgɛ anu denu denuna ko la. Kɔnɔ anu kilanta mɔgɛnu na.

Luka 23:10

Saraka-masɔla-wɛnu anubɛ tɔn-karan-mɔgɛnu ya anu nasɔ ka Yisa maburi a nya ma!

Yɔni 18:3

Woletɔ Yudasi tara ki-fan wonu kɔrɔ. Saraka-masɔla-wɛnu anubɛ Farisinu ya Alla-Bato-Bɔn kandannɛnu anubɛ kɛlɛ-dan donu nata a fɛ. Anu tara lɛnpunu anubɛ kala-mɛlannu na anu bolo. Anu tara kɛlɛ-kɛ-mirannu na anu bolo fanan.

Yɔni 3:10

Yisa ya a yabi ko, “Isirɛla mɔgɛnuna karan-mɔgɔ-wɛ le ile la, i ko i ma kɛ lɔn, ba?

Yɔni 7:32

Farisinu ya a lamɔɛn nyama ye da-kɔrɔ-kumɛnu fɔla ka a bɛn Yisa ma, woletɔ anubɛ saraka-masɔlɛnu ya Alla-Bato-Bon kandannɛnu sɔ a bira tinɛ.

Yɔni 8:3

Tɔn-karan-mɔgɛnu anubɛ Farisinu nara kei-wara-sigi-musi do la anu ya minnubɛ kei do bira ala kei ma min na. Anu nara a la ka a sɔ anu tɛma.

Kɛwɔlɛnu 23:9

Woletɔ sɔnkɔ-sɔnkɛ koloyara. Tɔn-karan-mɔgɛ do minnu bi Farisinuna dina rɔ, wonu sɔra ka sɔsɔli-ba kɛ ko, “Ni kei kɛ ara ko-yogomɛ kɛ, male ma wo yen! Tumado tonyɛ le, nima-fan do ara kuma a ye nun, ni wo ma, melika.”

Kɛwɔlɛnu 4:5

Wo banda kɛ, Yahudiyanuna kun-tigi wo, mɔgɔ-banu wo, tɔn-karan-mɔgɛnu wo, wonu ya anu nyɔgɔn nadɛn Yerusalɛm.

Kɛwɔlɛnu 6:12

Anu ya kuma kelan wo fɔ mɔgɔ-banu anubɛ tɔn-karan-mɔgɛnu anubɛ mɔgɛ donu ye. Woletɔ anu nara Sitifen bira tinɛ ka ta a la kun-tiginu bara.