Matiyu 2:16 - ALLALA KUMƐ

¹⁶ Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Matiyu 2:16 Iomraidhean Croise

Ko-Dabirɛnu 39:14

a worondora ka wɔli-kɛlɛnu takele. Wɔli-kɛlɛ wonu nanɛ, a ya a fɔ wonu ye ko, “Wo ni duruki kɛ mafɛlɛn. Nna kei ara na Hiburu keminɛ min na kɛ la, wo le wara na n nafɛya tinɛ kɛ la. A ara don n kuma. A ko a ni digin nde ma. Woletɔ n fanan gbele-gbelenta ha wo ara na.

Ko-Dabirɛnu 39:17

Ala kei nanɛ, koe min bɛɛ tenbira anubɛ Yusufu tɛma, a ya wo dantɛgɛlɛ sa ala kei ye ko, “I nara Hiburu yɔɔn-keminɛ min na, wo le donta n kuma ka n nafɛya.

Ko-Dabirɛnu 49:7

Alamɛ yili kirita wola yisi-magboyɛ wo dan la bawo wo ara wotɛ latenbi. Woletɔ wole Simiyɔn anubɛ Lifayi bɔnsɔnnu ta si nyɛnsɛn nde, Yakoba bɔnsɔnnu tɛma Isirɛla nyamanɛ rɔ.

2 Mansɛnu 8:12

Hasiyɛli ya a manyinika, a ko, “N fa, i ye dila nfen na?” Nɛbi Ilaisa ko, “Ile ye nala koe min sigila Isirɛla mɔgɛnu ma yarɔ, wo le ye a mala, n bi dila ka. Ile si tɛ tugu anuna so-hakikɛnu na. I si Isirɛla kemini-mɛsɛnu mɔnima-fagɛ-kɛ, ado i si anuna dannu bi ka anu gbesi dugi la ha anu ni faga. I si nyaganɛ-kolomɛnu buyi laka.”

Yobu 12:4

Hali n kenintenu, anu bara n ma yɛlɛnma-fan la. Alla ye nna madiyali-kan lamɔɛnna. N natelennɛ, fɛɛ sa n na kɔnɔ hali wo, anu bi n mayɛlɛnna.

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Hɛnkilimaya-Kumɛnu 28:17

Mɔgɔ-fagalɛ-yisi ti sa. A yisi si to a tɔrɔla ha a si faga, ado mɔgɔ-wo-mɔgɔ kana a dɛnbɛ.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Daniyɛli 3:13

Mansɛ ya wo lamɔɛn tumɛ min, a yisi bɔra dɔgɔma-ma-de! A ya a fɔ anu ye ko, “Wo ta mɔgɔ sawɛ wonu kele.” Mɔgɔ sawɛ wonu nanɛ,

Hoseya 10:14

wo si a ma, kɛlɛ ni na wo ma. Wola so-latankanɛnu si tii mɛmɛ! Soe wonu si ma iko Mansa Salama ya Bɛti-Araba daga-koro-tiyi-kɛ nya min ka a fi-koro-tiyi kɛ. Denbɛ anubɛ anuna dannu kunyɛ si to-a-rɔ bofe!

Yilan-Yilan Koe 22:29

Belam ya a yabi ko, “I wara n nayarabi. Ni faan taranta n bɔgɔla nun, n si i kan tɛgɛ a dagɛ rɔ.”

Yilan-Yilan Koe 24:10

Mansa Balaki ya a bole lagbu yisi-tinya bolo. A ya a fɔ Nɛbi Belam ye ko, “N ya ile kele ko i ni n yogenu danka n ye. Kɔnɔ a sawa nyɔgɛ le kɛ la gbɛ, i ye duwala anu ye.

Matiyu 2:1

Yisa sɔrɔnta Bɛtalehɛm soe burɔ Yudiya nyamanɛ rɔ wo tumɛ Hɛrodi ye mansayɛ la nyɔ kun na. A ma mɛ wo kɔma, minnu ya lolenu-karan lɔn, wo donu bɔra tele-bɔɛ ka na Yerusalɛm.

Matiyu 2:17

Nɛbi Yɛrɛmaya ya min fɔ, wo bɔra-a-la. A ko,

Matiyu 2:7

Wo kɔma, Mansa Hɛrodi ya hɛnkilimɛ wonu kele dogɔn rɔ alako a ni a lɔn anu bolo, lole wo bɔra gbɛ rɔ anu ye wati min gbɛn!

Lankɛnimayɛ 12:4

Lolɛnu faranɛ sigi tina sawa la, a ya wo sigi tina kelan sagan a fɔɛn la ka bɔ san-kole rɔ ka anu nafili dugi ma. Musi min buyi gbiliyanɛ, a sɔra wo yakɔrɔ alako wo wa dan sɔrɔn nya min wo, a ni dan wo dɔn.

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!

Kɛlɛ-Kurugbɛnu 16:10

Dɛlaila ya a fɔ Samsin ye ko, “Yaga, i ye n mayuwaya tinɛ le nun ka foninyɛ fɔ n ye. I kiri-mɔlɔni-bɛrɛbɛrɛ fɔ n ye.”