Matiyu 2:13 - ALLALA KUMƐ

¹³ Wo kɔma, Marita melika bɔra gbɛ rɔ Yusufu ye kiyo rɔ. A ko, “I lasɔ. I ni dennɛ anubɛ a na bi ka wo buri ka ta Iyipiti nyamanɛ rɔ. Hɛrodi kɛ si dan kɛ nyini a faga-koe la. Wo ni to nyɔ ha n ni a fɔ i ye tumɛ min ko wo ni bɔ nyɔ.”

Matiyu 2:13 Iomraidhean Croise

1 Mansɛnu 3:5

Mari bɔra gbɛ rɔ Mansa Silamɛni ye kiyo rɔ Kibiyon soe burɔ ka a fɔ a ye ko, “A sɔgɛ ye i la, n ni nfen di i ma?”

Yobu 33:15

Mɔgɛnu tenbi kinɔgɔla suyi rɔ, Alla ye kumala anu ye ko-rayirɛ anubɛ kiyo rɔ.

Yobu 33:17

alako anu ni fara hakɛ kɛla. Anu kana na wasi.

Bɔ-Koe-Iyipiti 1:22

A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Matiyu 1:20

Nba, Yusufu ye a mirila koe kɛ ma tumɛ min, Marita melika bɔra a ye gbɛ rɔ kiyo rɔ. A ko, “Yusufu, Dawuda bɔnsɔn, i kana kilan Mariyama bi-koe la ka a ma ila musi la. A ara buyi min bi wo la, Allala Ni-Sɛnimɛ kɛwɔlɛ le wo la.

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Matiyu 2:12

Kɔnɔ Alla ya hɛnkilimɛ wonu nalɔn kiyo rɔ ko anu kana sɛgi Mansa Hɛrodi wara tun, woletɔ anu sɛgira anu barɛ kila-gbɛrɛ fɛ.

Matiyu 2:14

Woletɔ Yusufu ya dennɛ anubɛ a na bi suyi wo rɔ ka Iyipiti nyamanita-kilɛ bira.

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Matiyu 2:22

A ya a lamɔɛn tumɛ min ko Hɛrodila dan Akileyasi ara sigi mansayɛ la a fa gbɛ rɔ Yudiya nyamanɛ kun na, Yusufu kilanta nyɔ-sigi-koe ma. Marita melika ya a lalɔn kiyo rɔ tun ko a kana sigi nyɔ rɔ. Wo le ya a ma, anu tara sigi Kalili sigisɔn rɔ.

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Kɛwɔlɛnu 10:7

Wo kɔma, melika wo tara. Kɔniliyasi ya ala bonna-wɔli-kɛlɛ mɔgɔ fila kele. Ala kɛlɛ-dan min bi a kandanna, a ya wo fanan kele, ado dina-mɔgɛ le wo fanan na.

Kɛwɔlɛnu 12:11

Wo kɔma, min bara ma Pita la, a ya a miri wonu ma. A ko, “N bara a lɔn gbɛ serr, ko tonyɛ le! A sɔgɛ ye Yahudiyanu na ka min sigi n ma nun, Mari ara ala melika sɔ ka n tanka anubɛ Yahudiyanu masibɛ ma.”

Kɛwɔlɛnu 12:7

Tiriyante wo rɔ, Marita melika sɔra nyɔ. Waan rakara yele-bɔn la. Melika ya Pita magbesi a kanban-kunyɛ ma ka a lakunden. A ko, “I lasɔ tiriya!” Tiriyante wo rɔ, yɔlɔkɛnu buira ka bɔ a bolenu na.

Kɛwɔlɛnu 16:36

Woletɔ yele-kandannɛ ya kumɛ wo latenbi Pɔli ma ko, “Kun-tiginu bara kilayɛ lana ko ka wobɛ Sailasi boloka. Woletɔ wo bolokanɛ ka ta yisi-kimɛ rɔ.”

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

Kɛwɔlɛnu 7:19

Wo ya halliyɛ kɛ mala mɔgɛnu na ka ma benbanu bira boloko-yogomɛ-kɛ. A ya anu fɔrɔsɛ ko anu ni anuna dannu nakɛ a rɔ alako anu ni faga,

Yasowa 3:13

Saraka-masɔlɛnu ba anu kian sɔ yi rɔ tumɛ min, yi wo si gbala. Yorodan-ba-yi la si dɛn anu nyɔgɔn kuma,”

Yasowa 3:17

Saraka-masɔlɛnu tara tun tɔn-kenkirɛ la anu bolo ka sɔ Yorodan tɛma ha mɔgɛ bɛɛ tenbira dugu-gbalanɛ kuma.

Yasowa 4:10

Saraka-masɔlɛ minnu bi tala tɔn-kenkirɛ la, wonu sɔnɛ tora Yorodan tɛma ha koe bɛɛ kanbalita iko Mari ya a fɔ Yasowa ye nya min anubɛ iko Musa fanan ya a fɔ nya min. Mɔgɛnu ya anu nakaliya bɛ tɛgɛla ka ta bɛ tɔnkɔn kelan rɔ.

Yasowa 4:18

Woletɔ saraka-masɔlɛnu bɔra Yorodan bɛ tɛma Marila tɔn-kenkirɛ la anu bolo. Anu kera gbole ma tumɛ min, yi sɛgira a gbɛ rɔ anu kɔma wo wati nyɛrɛ rɔ iko a ye nya min nun.

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

Lankɛnimayɛ 12:4

Lolɛnu faranɛ sigi tina sawa la, a ya wo sigi tina kelan sagan a fɔɛn la ka bɔ san-kole rɔ ka anu nafili dugi ma. Musi min buyi gbiliyanɛ, a sɔra wo yakɔrɔ alako wo wa dan sɔrɔn nya min wo, a ni dan wo dɔn.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.