Matiyu 19:9 - ALLALA KUMƐ

⁹ Nba, n ni kɛ fɔ wo ye. Ni kei ya ala musi boloka, ni a ma tɛgɛ yɛlɛnyɛ ma, a ni ta musu-gbɛrɛ furu, a ara yɛlɛnyɛ kɛ worɔ.”

Matiyu 19:9 Iomraidhean Croise

Ko-Dabirɛnu 20:3

Kɔnɔ suyi do rɔ, Alla ya a fɔ ale mansɛ ye kiyo rɔ ko, “Ile si na faga. I wara mɔgɔna-musi bi.”

2 Ko-Kɔrɔta-Karan 21:11

Mansa Yɛhoram kɛ ya bɛsi-kɔ-tinɛnu nadan Yuda kɔnkɔ-nyamanɛ rɔ. A sɔra Yuda kɛnu anubɛ Yerusalɛm kɛnu yarɔ ka hakɛ kɛ Mari la.

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Yɛrɛmaya 3:8

Isirɛla nyɛrɛ ya a lɔn ko n bara a boloka nun ka a tɛgɛ ala yɛlɛnyɛ ma iko kei si ala musi boloka nya min. Kɔnɔ hali wo, wo ma a na-kelen-nyɔgɛ Yuda lakilan. Wo fanan tara anu sa bɛsɛnu kɔrɔ,

Isikiyɛli 16:15

“ ‘I ya ila mankan anubɛ ila kinyɛ wonu ma yɛlɛnya-fan la. Kei-wo-kei nara, wo ti tenbi i la. I kinyɛnu mara kei bɛɛtɛ la iko a di anu ye nya min.

Isikiyɛli 16:29

Wo kɔma, Babilɔn nyamani-yilanu bi anu sala i fɛ. Hali wo, wo sa i wasala.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Matiyu 19:10

Ala karan-dannu ya a fɔ a ye ko, “Ni wo dɔrɔn si a ma, kei ni ala musi boloka, a fisa, furi kana kiri worɔ.”

Matiyu 19:8

Yisa ya anu yabi ko, “Nɛbi Musa sɔnta wola musu-boloka-koe ma wo nya bawo wo karan-koe gbɛlɛ. Kɔnɔ a sa wo nya nun duninya-dan-wati.

Matiyu 5:32

Kɔnɔ kaka, n bi a fɔla wo ye, ni mɔgɛ ya ala musi boloka, ni musi wo ma yɛlɛnyɛ kɛ, a ara musi wo sɔ yɛlɛnyɛ la wo rɔ, ado ni kei-gbɛrɛ ya a furu, wo fanan bara yɛlɛnyɛ kɛ.

Luka 16:18

“Kei min ba ala musi boloka ka dogbɛrɛ furu, wo ara yɛlɛnyɛ kɛ, ado kei min ba musu-bolokanɛ wo furu, wo fanan bara yɛlɛnyɛ kɛ.

1 Kɔrɛnti 5:1

Nba, n ya a lamɔɛn ko yɛlɛnya-su do ye wo tɛma hali Alla-lɔnbɛlɛnu ti sɔn min sifa ma, ado tɛrɛna-ko le wo la n bolo. Anu ko mɔgɛ donubɛ a na-sena-musi ye kila.

1 Kɔrɛnti 7:39

Musi min bi furi rɔ, fananta ala kei ye a niyi la, a ye ala kei kɔrɔ. Kɔnɔ ni ala kei fagara, a ara hɔrɔya worɔ. Ni a di a ye, a ni ta kei-gbɛrɛkɛ warɛ kɔnɔ fɔ kei wo ni ma dɛnkɛninya-mɔgɛ la.

1 Kɔrɛnti 7:4

Sarati sa musi bolo a fɛrɛ-bɔnkɛ kuma fɔ ala kei. Sarati fanan sa kei bolo a fɛrɛ-bɔnkɛ kuma fɔ ala musi.