Matiyu 19:7 - ALLALA KUMƐ

⁷ Farisinu ya a manyinika ko, “Nfenna worɔ, Nɛbi Musa ya tɔn di ma ma ko yanni kei ni ala musi boloka, a ni furu-tinya-kɛdi di a ma?”

Matiyu 19:7 Iomraidhean Croise

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Yɛrɛmaya 3:8

Isirɛla nyɛrɛ ya a lɔn ko n bara a boloka nun ka a tɛgɛ ala yɛlɛnyɛ ma iko kei si ala musi boloka nya min. Kɔnɔ hali wo, wo ma a na-kelen-nyɔgɛ Yuda lakilan. Wo fanan tara anu sa bɛsɛnu kɔrɔ,

Malakayi 2:16

Isirɛlata Mari Alla ye a fɔla ko furu-tinya ma di a ye! A ko ni wole do ya kɛ sufa ma wola musi la, wo gbo a ye. Wo ni wo telen wola musinu ye ka to wola lanyiri latɔnbagayala. Wo kana anu boloka mumɛ!

Matiyu 1:19

Ala kei, Yusufu, mɔgɛ le wo la min bi ko-latelennɛ kɛla tuma-wo-tuma. A ma di a ye, a ni Mariyama lamiliya gbɛ rɔ woletɔ a ya a latɛgɛ ko a ni a bole bɔ a furu-koe rɔ dogɔn rɔ.

Matiyu 19:6

Mɔgɔ fila ma anu na tun fɔ mɔgɔ kelen. Nba, Alla ara min tugun anu nyɔgɛ na, mɔgɔ kana wonu fara.”

Matiyu 19:8

Yisa ya anu yabi ko, “Nɛbi Musa sɔnta wola musu-boloka-koe ma wo nya bawo wo karan-koe gbɛlɛ. Kɔnɔ a sa wo nya nun duninya-dan-wati.

Matiyu 5:31

“A fɔra fanan ko, ‘Min ba ala musi boloka, fɔ a ni furu-tinya-kɛdi di a ma.’

Maraka 10:4

Anu ya a yabi ko, “Nɛbi Musa sɔnta ko kei ni furu-tinya-kɛdi sɛbɛ, wo kɔma, a ni ala musi boloka.”