Matiyu 19:14 - ALLALA KUMƐ

¹⁴ Yisa ko, “Wo ni sɔn dennɛnu ni na n bara. Wo kana anu mabeli bawo anu denu denuta ye Allala mansayɛ la Arinyɛni tɔ.”

Matiyu 19:14 Iomraidhean Croise

Ko-Dabirɛnu 21:4

A sɔrɔn-tele segin nyɔgɛ ma, Iburayima ya a lakemininya iko Mari ya a fɔ a ye nya min nun.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 18:3

A ko, “Wo ni wo hɛnkili to kɛ ko! Ni wo ma wo nyɛrɛ kɛ-nya yɛlɛma ka ma iko dennɛnu, wo ti don Allata mansayɛ kɔrɔ min bi Arinyɛni na muk!

Matiyu 19:15

Yisa ya a bole sa anu kuma. Wo kɔma, a bɔra nyɔ.

Matiyu 5:10

Mɔgɔ-sewanɛ le wo mɔgɛ la anu bi min tɔrɔla ala ko-latelennɛla ko la bawo Alla min bi Arinyɛni tɔ, a si wota mansayɛ sɔrɔn!

Matiyu 5:3

A ko, “Mɔgɔ-sewanɛ le wo mɔgɛ la min si a yigi bɛɛ sa Alla rɔ bawo Alla min bi Arinyɛni tɔ, a si ata mansayɛ sɔrɔn!

Maraka 10:14

Yisa ya wo yen tumɛ min, a diminyara ka a fɔ ala karan-dannu ye ko, “Wo ni sɔn dennɛnu ni na n bara! Wo kana anu mabeli bawo anu denu denuta ye Allala mansayɛ la.

Maraka 10:15

Wo ni wo hɛnkili to kɛ ko! Ni min ti Allala mansayɛ rabira iko dennɛ, wo ti don a rɔ mumɛ!”

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

Kɛlɛ-Kurugbɛnu 13:7

A ya a fɔ n ye ko a ti mɛ tun, n si buyi bi ka den-kei sɔrɔn. A ko fenfen min si mɔgɔ kun tafin, n kana wo min. N kana fenfen dɔn fanan min sɛninyani ma bawo yanni dan wo ni sɔrɔn, a ko a dantɛgɛni de Mari ma iko Nansarannu ha a si faga.”

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”

1 Samuwɛli 1:22

Kɔnɔ kɛ wati rɔ, Hana ma bila anu fɛ. A ya a fɔ ala kei ye ko, “Dan da wa ka tumɛ min, n si a bi ka ta a to Mari bato tinɛ. A si to nyɔ a siyi-tele-bɛɛ kɔrɔ.”

1 Samuwɛli 1:24

Hana ya Samuwɛli da-ka tumɛ min, a ya ala dennɛ wo bi anubɛ san-sawa-turɛ anubɛ dɛgɛ-munke pani-kunbɛ-nya tan-ni-fila anubɛ gbolo-bɔrɛ-nya kelen nɔnbɔ-gbɔ-yi la. Anubɛ ala kei tara wonu na anu bolo Mari bato tinɛ Sailo hali dan wo ma ke bɛ a na anubɛ a fa bolokɛ ma.

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.