Matiyu 19:13 - ALLALA KUMƐ

¹³ Mɔgɛ donu nara anuna dennɛnu na Yisa wara ko a ni a bole sa anu kuma ka Alla matara anu ye. Kɔnɔ ala karan-dannu ya mɔgɛ wonu makuma.

Matiyu 19:13 Iomraidhean Croise

Ko-Dabirɛnu 48:1

A ma mɛ kɛ kɔma, anu ya a fɔ Yusufu ye ko a fa ma kɛndɛ. A tara ala den-kei filɛ la a bolo, Ifɛrɛm anubɛ Manasa ka ta a fa Yakoba kɔndɔn tinɛ.

Yɛrɛmaya 32:39

A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

Matiyu 16:22

Wo le ya a ma, Pita ya Yisa labɔ doinu dafɛ. A ya Yisa makumɛ dabira. A ko, “Mari, Alla ni i tanka wo ma! Wo kana ma i la mumɛ!”

Matiyu 19:12

ado kei ti musi furu minna ko la, wo kɔrɛnu siya. Donu ti ke musi furula ka bɛn anu sɔrɔn-nya ma. Donu ti ke furi kɛla bawo anu hadama-den-nyɔgɛ ya wo kɛ anu na. Nba, donu ti musi furu ka a tɛgɛ Allata mansayɛ ma. Ni min si ke karan kɛ birala, a ni a bira worɔ.”

Matiyu 20:31

Nyama ya anu makuma ka a fɔ anu ye ko anu ni anu made. Kɔnɔ anu gbele-gbelenta tun bɛrɛkɛ! Anu ko, “Ma fa, Mansa Dawudala dan, kinikini ma ma!”

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

1 Kɔrɛnti 7:14

N bi wo fɔla bawo dɛnkɛninya-musi si sɛninyɛ lana ala kei-wara-sigi rɔ. Dɛnkɛninya-kei fanan si sɛninyɛ lana ala furi rɔ. Ni a sa wo nya, anuna dannu si ma iko Alla-lɔnbɛlɛnuta dannu. Ka a tɛgɛ dɛnkɛninya-mɔgɛ wo ma, dan wonu bara dantɛgɛ Alla ma worɔ.

1 Samuwɛli 1:24

Hana ya Samuwɛli da-ka tumɛ min, a ya ala dennɛ wo bi anubɛ san-sawa-turɛ anubɛ dɛgɛ-munke pani-kunbɛ-nya tan-ni-fila anubɛ gbolo-bɔrɛ-nya kelen nɔnbɔ-gbɔ-yi la. Anubɛ ala kei tara wonu na anu bolo Mari bato tinɛ Sailo hali dan wo ma ke bɛ a na anubɛ a fa bolokɛ ma.