Matiyu 18:22 - ALLALA KUMƐ

²² Yisa ya a yabi ko, “Ade, kinyama wɔrɔnfila ma de, fɔ kinyama bi-wɔrɔnfila sigi tinɛ wɔrɔnfila (490).

Matiyu 18:22 Iomraidhean Croise

Ko-Dabirɛnu 4:24

Ni niyi wɔrɔnfila bɔra n benba Ken niyila ko la, ni anu ya nde, Lamɛki faga, niyi bi-wɔrɔnfila ani niyi wɔrɔnfila si bɔ nde niyila ko la.”

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Maika 7:19

I si kinikini ma ma tun. Ma ara hakɛ minnu kɛ nun, i si wonu bi ka anu sa i tontɛ kɔrɔ ka anu matɛn ka anu nafili kɔgɔ-yi-dumɛ-kuri la.

Matiyu 18:23

Alla min bi Arinyɛni tɔ, ata mansayɛ mani de iko mansɛ min ya a latɛgɛ ko ala yili minnu bi ala wɔli-kɛlɛnu na, a ni wonu dan.

Maraka 11:25

Kɔnɔ wo wa sɔ madiyali-kɛ-tinɛ, ni min diminyanɛ mɔgɛ do ma, a ni a makoto. Woletɔ wo Fa Alla min bi Arinyɛni tɔ, wo si wo hakɛnu makoto. [

Romu 12:21

Wo kana sɔn, ko-yogomɛ ni nɔ-ko sɔrɔn wo ma. Wola ko-nyimɛnu ni nɔ-ko sɔrɔn ko-yogomɛnu ma.

Ɛfɛsa 4:26

Ni min diminyanɛ mɔgɛ ma, a kana sɔn, ala diminyɛ ni a ladon hakɛ rɔ. A diminyanɛ kana telen gbɛn,

Ɛfɛsa 4:31

Nyɔgɔn-kɔn wo, yisi-bɔɛ wo, diminyɛ wo, wo ni wonu boloka. Wo kana nyɛɛ mɔgɛnu ma ka mɔgɛ manyini, ado wo kana ni-yogoyɛ kɛ wo nyɔgɔn na.

Kɔlɔsi 3:13

Wo ni wo nyɔgɔn dɛnbɛ. Kumɛ wa wuli wo nyɔgɔn tɛma tumɛ min, wo ni wo nyɔgɔn makoto. Wo ni wo nyɔgɔn makoto iko Mari ara wo fɔlɔn makoto nya min.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.