Matiyu 17:9 - ALLALA KUMƐ

⁹ Anu bi yigila kɔnkɛ la tumɛ min, Yisa ya a fɔ anu ye ka a magbɛlɛya ko, “Wo ara ko-rayirɛ min yen kɛ, wo kana wo rakaran mɔgɔ-wo-mɔgɔ ye, ha nde, Hadama-dan ni wuli ka bɔ furinu tɛma tumɛ min.”

Matiyu 17:9 Iomraidhean Croise

Matiyu 12:16

A ya a fɔ anu ye ko anu kana ala koe fɔ mɔgɛnu ye

Matiyu 17:12

Kɔnɔ n bi kɛ fɔla wo ye, Nɛbi Ilaya ara na nun. Mɔgɛnu ma a lɔn Ilaya la nun fɔ ka anu diyana-koe bɛɛ kɛ a la. Anu si nde, Hadama-dan fanan bira boloko-yogomɛ-kɛ wo nya na le.”

Matiyu 17:20

Yisa ya anu yabi ko, “Wo mara le bawo wola dɛnkɛninyɛ ma kolo. Wo ni wo hɛnkili to kɛ ko! Ni dɛnkɛninyɛ ye wo bolo min kolo ka ke foni-kole rɔ, wo si ke a fɔla kɔnkɛ kɛ ma ko, ‘Bɔ yan ka ta pan!’ A si ta, ado wo si ke koe bɛɛ kɛla dɛnkɛninyɛ fɛ! [

Matiyu 17:22

Yisala karan-dan bɛɛ ya anu nadɛn anu nyɔgɔn fɛ Kalili sigisɔn rɔ tumɛ min, Yisa ya a fɔ anu ye ko, “Anu si nde, Hadama-dan don mɔgɛnu bolo tɔ.

Matiyu 17:23

Anu si n faga. Kɔnɔ a tele sawa nyɔgɛ, Alla si n nawuli tun ka bɔ furinu tɛma.” Kumɛ wo ya ala karan-dannu yisi tinya bɛrɛkɛ!

Matiyu 17:8

Nba, anu ya anu yɛ layɛlɛ min kɛ, anu ma mɔgɔ-wo-mɔgɔ yen fɔ Yisa.

Matiyu 8:20

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Matiyu 8:4

Wo kɔma, Yisa ya a fɔ a ye ko, “I tole masɔ! I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara tiriya! I ni i nyɛrɛ yira a la iko tɔn ya a fɔ nya min. Nɛbi Musa ya sarakɛ minna ko fɔ, i ni wo bɔ ka a yira mɔgɛ bɛɛ la ko i wara kɛndɛya.”

Maraka 8:30

Nba, Yisa ya a fɔ anu ye ko, “Wo kana n wara-koe fɔ mɔgɔ-wo-mɔgɔ ye.”

Luka 8:56

A sɔrɔnnɛnu kawara kɔnɔ Yisa ya a fɔ anu ye ko koe min bara ma kɛ, anu kana wo fɔ mɔgɔ-wo-mɔgɔ ye.

Luka 9:36

Kuman-kan latora tumɛ min, Yisa kelen pe le nyɔ nun. Anu ya min yen, a ya wati bɔ, ala karan-dannu ma a fɔ mɔgɔ-wo-mɔgɔ ye.