Matiyu 17:6 - ALLALA KUMƐ

⁶ Karan-dannu ya kuman-kan wo lamɔɛn tumɛ min, anu kumakɔra kati! Anu ya anu nyɛrɛ gbesi dugi la.

Matiyu 17:6 Iomraidhean Croise

1 Ko-Kɔrɔta-Karan 21:16

Mansa Dawuda ya ale niyi-bɔ-melika yen sɔnɛ san anubɛ dugu tɛma. Faan ye a bole la. A ye Yerusalɛm kasara-koe rɔ. Mansɛ anubɛ ala mɔgɔ-banu ya kasa-duruki don anu kan na. Anu damasi ya anu madu ka anu kunyɛ gbangban dugu ma.

Isikiyɛli 3:23

Woletɔ n tara lɛɛ rɔ. N ya Marita wan-belebele yen ko-rayirɛ rɔ nyɔ fanan iko n ya a yen Kiba bɛ dafɛ nya min. N ya n naburun a ma dugu ma tun

Isikiyɛli 43:3

N ya ko-rayirɛ kɛ le su yen iko n ya min yen wo tumɛ Alla nanɛ Yerusalɛm tinya-tinɛ, ado n ya wo su yen Kiba bɛ dafɛ wulɔn. N ya n naburun a ma dugi ma.

Daniyɛli 8:17

Yibirila nara sɔ n dafɛ min kɛ, n kilanta dɔgɔma-ma-de ka n gbesi dugi la a kɔrɔ. Ale Yibirila ya a fɔ n ye ko, “Hali hadama dan le ile la, a sɔgɛ ye n na, i ni ko-rayen kɛ kɔrɛ lɔn. Ko-rayen kɛ kolomɛ le duninyala ban-koe la.”

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 17:7

Yisa nara anu bara ka a bole tugu anu na. A ko, “Wo ni wo lasɔ. Wo kana kilan!”

Kɛwɔlɛnu 22:7

N ya kuman-kan lamɔɛn n manyinikala ko, ‘Sɔli, Sɔli, i ye n tɔrɔla nfenna?’

Kɛwɔlɛnu 26:14

Ma dama buira dugi ma. N ya kuman-kan do lamɔɛn. A ye a fɔla n ye Hiburu-kan rɔ ko, ‘Sɔli, Sɔli, i ye n tɔrɔla nfenna? I ye i nyɛrɛ le madumala dɔrɔn iko turɛ min bi a kiri-kɔlɔma tɛnna.’

2 Pita 1:18

Ma sɔnɛ a dafɛ kɔnkɔ-sɛnimɛ wo kuma tumɛ min, male nyɛrɛ ya kuman-kan kɛ lamɔɛn ka bɔ Arinyɛni tɔ.

Kɛlɛ-Kurugbɛnu 13:20

Ta-mɛlan ye yɛlɛla san ma tumɛ min, melika wo, Mari, kɔni, wo yɛlɛta ta-mɛlan wo rɔ san-kole rɔ. Manowa anubɛ ala musi ya anu naburun a ma dugi ma.

Kɛlɛ-Kurugbɛnu 13:22

Manowa ya a fɔ ala musi ye ko, “Ma ye fagala le serr, bawo ma ara Alla yen ma yɛ la.”