Matiyu 17:4 - ALLALA KUMƐ

⁴ Woletɔ Pita ya a fɔ Yisa ye ko, “Mari, a bɛnta ma ye yan. Ni i sɔnta, n si lele sawa sɔ yan, kelen itɛ, kelen Musatɛ, kelan Ilayatɛ.”

Matiyu 17:4 Iomraidhean Croise

Yaburi 16:11

I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.

Yaburi 4:6

Mɔgɔ-siyaman kɛnɛna a fɔla ko, “E, Mari, a ma, ma ni sabati tun. I ni ko-nyimɛnu kɛ ma ye.”

Aiseya 33:17

Wo si mansɛ yen gbiliya-wɛ rɔ tun. Ala nyamanɛ kolo dɔgɔma-ma-de!

Sakaraya 9:17

Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.

Matiyu 17:3

Wo kɔma, ala karan-den sawɛ wonu ya Nɛbi Musa anubɛ Nɛbi Ilaya yen kumala Yisa la.

Luka 9:33

Mɔgɔ filɛ wonu sɛgimatoe, Pita ya a fɔ Yisa ye ko, “N tigi, a bɛnta ma ye yan. Ma ni lele sawa sɔ yan, kelen itɛ, kelen Musatɛ, kelan Ilayatɛ.” (Pita ma a lɔn a ye min fɔla nun hali!)

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 7:2

Nba, wo ya a taran, Yahudiyanuna Lele-Sɔɛ-Ladɛn ara gbɛrɛn nun.

Filipai 1:23

N kɔndɔfilinɛ ko filɛ kɛnu tɔ. N bi a fɛ ka bɔ nimayɛ kɛ rɔ ka ta to Kirasiti fɛ. Wo le fisa bɛrɛkɛ!

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.