Matiyu 17:25 - ALLALA KUMƐ

²⁵ Pita ya a yabi ko, “Ɔnde.” Pita donta bɔn la tumɛ min, Yisa fɔlɔn kumara. A ko, “Saimon, i miriya ye kama? Duninya-kɛ-mansɛnu si gbɛsɛgbɛsɛ anubɛ duti makele yon bolo, dugurannu, ka, sundannu bolo?”

Matiyu 17:25 Iomraidhean Croise

Matiyu 17:26

Pita ya a yabi ko, “Sundannu.” Nba, Yisa ya a fɔ a ye ko, “Wo kɔrɛ le ko a ma bɛn, male dugurannu ni wo sara.

Matiyu 22:17

Nba, i miriya ye kama? Ka duti sara Romu nyamani-kun-tigi wara, mala tɔn-tinyɛ le wo la, ka, a sa wo nya? Wo fɔ ma ye.”

Matiyu 22:19

Wo ni duti-wodi do yira n na!” Anu nara wodi-mɛlan do la a ma.

Matiyu 22:21

Anu ya a yabi ko, “Romu nyamanɛ kun-tigi-ba.” Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Luka 20:22

Nba, i miriya ye kama? Ka duti sara Romu nyamani-kun-tigi ma, wo telenta, ka, a sa wo nya?”

1 Samuwɛli 17:25

Anu bi a fɔla anu nyɔgɔn ye nun ko, “Wo ni wo tole masɔ. A ye a kɔgɔ rakala male Isirɛla mɔgɛnu telen tɔ. Mansa Sɔli ara lanyiri kiri ko, ni mɔgɔ-wo-mɔgɔ ya kei kɛ faga, a si wo ma nɔnfulu-tigi la. A ko, min sanɛ wo kuma, a si ala dunmusi di wo tigi ma. A si a ma fanan, wo fala denbayɛ ti duti sara.”