Matiyu 17:18 - ALLALA KUMƐ

¹⁸ Yisa kumara nyinɛ ma tumɛ min, a bɔra a fɛ. Wo le ya a ma, dan wo kɛndɛyara kelenna!

Matiyu 17:18 Iomraidhean Croise

Matiyu 12:22

Nba, mɔgɛ donu nara kei do la Yisa wara. Fiyɔn le. A ti ke kumala fanan bawo nyinatoe le. Yisa ya a lakɛndɛya min kɛ, a wulita kumala anubɛ a yɛ lakara ka fen-yen kɛ fanan.

Matiyu 15:28

Nba, Yisa ya a fɔ a ye ko, “N biran-musi, ila dɛnkɛninyɛ kolo! I diyana-koe ni kɛ i ye.” Wo wati nyɛrɛ rɔ, ala dunmusi kɛndɛyara.

Matiyu 17:17

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn. N ni to wo fɛ wati nyamintan tɔ tun? N ni n munyu wo kɔrɔ ha tumɛ nyamintan? Wo na dennɛ wo la n bara yan!”

Matiyu 17:19

Wo kɔma, ala karan-dannu nara Yisa wara dogɔn rɔ ka a manyinika ko, “Nfenna male ma ke nyinɛ wo gbenna?”

Matiyu 9:22

Yisa ya a tintan tumɛ min, a ya ale musi yen. A ya a fɔ a ye ko, “N na, i yisi ni kimɛ! Ila dɛnkɛninyɛ ara i lakɛndɛya.” Musi wo kɛndɛyara wati kelan wo kɔrɔ tiriya!

Maraka 1:34

Min bɛɛsi kirɛ, a ya wonuna kiraya-su bɛɛ dandan ka nyina siyaman gben mɔgɛnu fɛ. A ma sɔn nyinɛnu ni kuma hali doni bawo wonu ya ale Yisa lɔn.

Luka 4:41

Nyinɛnu fanan gbele-gbelenmatoe bɔra nyinatoenu fɛ, anu ko, “Allala dan le ile la!” Anu ya a lɔn Allata-Mɔgɔ-Yabɔnɛ la min kɛ, Yisa ya a fɔ anu ye ko anu kana kuma.

Luka 8:29

A ya kɛ fɔ bawo Yisa ya a fɔ nyina-yogomɛ ye ko a ni bɔ kei wo fɛ. Nyinɛ wo ara wuli a la nun iko siyaman. Hali mɔgɛnu ya a bira ka a bolenu anubɛ a kiannu kiri yɔlɔkɛnu na, a si yɔlɔkɛ wonu tɛgɛ ka ta wulɛ rɔ nyinɛ bolo.

Luka 9:42

Anu bi nala dennɛ la tumɛ min, nyinɛ ya a layɛrɛyɛrɛn ka a labui. Yisa ya a fɔ nyina-yogomɛ wo ye ko a ni bɔ a fɛ. A ya denni-lakɛndɛyanɛ don a fa bolo tun.

Kɛwɔlɛnu 16:18

A tora wo mala tele siyaman kɔrɔ ha a wara-koe ya Pɔli tɔrɔ. A ya a tintan ka a fɔ nyinɛ ma ko, “Mari Yisa tɔgɛ rɔ, bɔ a fɛ!” Nyinɛ wo bɔra a fɛ kelenna!