Matiyu 16:4 - ALLALA KUMƐ

⁴ Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.” Woletɔ a bɔra anu fɛ ka ta.

Matiyu 16:4 Iomraidhean Croise

Ko-Dabirɛnu 6:3

Woletɔ Mari ko, “N ti ke n munyuna hadama-dannuna sɔn-yogoyɛ kɔrɔ. Bɔnkɛ le anu na min kɛ, ka a dabira kaka ma, n si do bɔ anu siyi-tele la. Mɔgɔ-wo-mɔgɔ siyi ti tenbi san kɛmɛ ani san mogan (120) na tun.”

Aiseya 57:3

Mari ko wole bolo-tafɛlɛnnɛnu, wo na yan wole yɛlɛn-dannu, wole kenita-dannu,

Hoseya 4:17

Wole Isirɛla mɔgɛnu bara wo nyɛrɛ to bɛsi-kɔ-koe ma. Mɔgɛnu kana bila wo fɛ.

Hoseya 9:12

ado ni a taranta, den-wo-den sɔrɔnta, n si anu dama wara-koe ka-a-la. Anu do-wo-do ti to a niyi la. N ba n bole bɔ wo rɔ, ko-yogomɛnu si to mala wo la.

Yona 1:1

Lunyɛ do, Mari kumara Amitayila den Nɛbi Yona ye ko,

Yona 1:17

Mari ya yɛgɛ-belebele do sɔ ka Nɛbi Yona lakunu. A ye a burɔ su sawa, tele sawa.

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Matiyu 16:5

Karan-dannu ya dalɛ tɛgɛ tumɛ min, anu bara a yen ko anu ma na biredi la anu bolo.

Maraka 8:12

Yisa kurunta, a ko, “Nfenna mɔgɛ kɛnu bi kabana-koe manyinikala n bolo tolon? Ado nfan, wo ni wo hɛnkili to kɛ ko! Kabana-ko fenfen ti kɛ mɔgɛ kɛnu ye mumɛ!”

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Kɛwɔlɛnu 18:6

Kɔnɔ tɔ-a-la, anu ya a sɔsɔ ka a manyini. Woletɔ a ya ala duruki ragbɔngbɔn anu kan ma. A ya a fɔ anu ye ko, “Ni wo halakira, wo ti mɔgɔ ta-a-la! Nta sa a rɔ. Ka a dabira bi ma, n si ta sibolo-gbɛrɛnu wara la.”

Kɛwɔlɛnu 2:40

Pita ya anu kawandi ka kuma-siyaman fɔ anu ye. A ko, “Wo ni wo nyɛrɛ kisi ka bɔ tɔrɔyɛ wo rɔ min bi nala mɔgɔ-yogomɛnu kan ma wola foolɛ rɔ!”