Matiyu 16:12 - ALLALA KUMƐ

¹² Wo kɔma, ala karan-dannu bara a nya-yen de gbɛ ko a sa kumala biredi-yɛlɛ-fan wara-koe la, fɔ anu ni a ma anu fɛrɛma Farisi anubɛ Sadusinuna karanla ko la.

Matiyu 16:12 Iomraidhean Croise

Matiyu 16:11

N ya a fɔ min kɛ ko wo ni a ma wo fɛrɛma Farisinu anubɛ Sadusinuna biredi-yɛlɛ-fanla ko la, n sa kumala biredi wara-ko la de! Ha bi, wo ma wo nya-yen?”

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Matiyu 5:20

N bi a fɔla wo ye, ni wo ma telen ka tenbi tɔn-karan-mɔgɛnu anubɛ Farisinu na, wo ti don Allata mansayɛ rɔ ni!

Kɛwɔlɛnu 23:8

Ado nfan, Sadusinu ko furinu ti wuli ka bɔ sayɛ rɔ. Anu ko melika sa, ado niyi sa. Kɔnɔ Farisinu lara wo ko sawɛ bɛɛ la.)

1 Kɔrɛnti 5:6

Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.”