Matiyu 15:23 - ALLALA KUMƐ

²³ Kɔnɔ Yisa ma kuma a la. Yisala karan-dannu nara a wara ka a madiya. Anu ko, “Musi kɛ gbɛn ma fɛ! A bilanɛ ma fɛ sɔnkɔ-sɔnkɔla tolon!”

Matiyu 15:23 Iomraidhean Croise

Ko-Dabirɛnu 42:7

Yusufu ya a kɔrɔnu yen tumɛ min, a ya a lɔn tiriya ko a kɔrɔnu denu. A ya a nyɛrɛ ma iko a ma anu lɔn defan! A ya anu tagbɛrɛn ka a fɔ anu ye ko, “Wo bɔra mi?” Anu ko, “Male bɔra Kenan nyamanɛ le tɔ ka na dɔn-fen san tinɛ yan tɔ.”

Yaburi 28:1

E, n natankalɛ Mari, n bi dila i dala n dɛnbɛn-koe la. I wɔlɔ matɔlɔ n di-kɛ-kan la. Ni ile ma n yabi, n basantoe le lakira-mɔgɛnu na.

Nimisa Koe 3:8

N ba Alla rakele n dɛnbɛn-koe la, a ti a wɔlɔ matɔlɔ n na.

Matiyu 14:15

Wura dɛ ara gbɛrɛn tumɛ min, ala karan-dannu nara a wara. Anu ko, “Suyi ara ke. Wulɛ le yan na. I ni mɔgɛnu nata so-mɛsɛnu tɔ alako anu ni dɔn-fan san anu nyɛrɛ ye.”

Matiyu 15:22

Musi do ye nyamanɛ wo rɔ, Kenan kɛ le wo la. A nara Yisa wara. A gbele-gbelenta ko, “N fa, Mansa Dawudala dan, kinikini n ma! Nyinɛ ye nna dunmusi fɛ. A tɔrɔnɛ kati!”

Matiyu 15:24

Nba, Yisa ya a fɔ ale musi wo ye ko, “Alla ma n sɔ mɔgɔ-gbɛrɛnu ma fɔ Isirɛla mɔgɛnu ma, saga minnu tonɛ a rɔ, kɔni.”

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.