Matiyu 15:14 - ALLALA KUMƐ

¹⁴ Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Matiyu 15:14 Iomraidhean Croise

Aiseya 31:3

Hadama-dan le Iyipiti kɛnu na dɔrɔn. Alla ma anu na. Soee dɔrɔn de anuna soeenu na. Mari wa ata sɛnbɛ lawɔli, nyamani-sɛnbɛmɛnu si tii mɛmɛ! Nyamani-nɛ minnu dunnɛ nyamani-wɛnu na anu dɛnbɛn-koe la, wonu fanan si tii nya-kun-kelen tɔ.

Aiseya 42:19

Fiyɔn do ye nyɔ minna fiyonyɛ tenbira nta Isirɛla mɔgɛnutɛ la, wa? Tolo-gbere do ye nyɔ minna tolo-gbereyɛ tenbira nde, Marita kilayatɛ la, wa?

Aiseya 56:10

Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Aiseya 9:16

Wonu minnu bɛnta ka kila-telennɛ yira mɔgɛnu na, anu ma wo ma fɔ ka kila-radunɛ yira anu na alako ka mɔgɛnu kɔndɔfili pirikali!

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 6:15

A bɛnta wo ni miliya wo kɛ-nya-yogomɛ la. Kɔnɔ miliyɛ bɔrɔ turu, a sa wo yɛ la. Hali wo ara hakɛ-siyaman kɛ, mɔgɔ ti miliyɛ bira wo yakɔrɔ ma lefan! Wo le si a ma, wole fanan bi buila iko doinu. Mari ko mɔgɛnu tɔrɔ-tele wa ke, wo si fɛrɛn dugi la.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Hoseya 4:17

Wole Isirɛla mɔgɛnu bara wo nyɛrɛ to bɛsi-kɔ-koe ma. Mɔgɛnu kana bila wo fɛ.

Malakayi 2:8

Kɔnɔ wole saraka-masɔlɛnu, a ko kaka wo ara ka kila-telennɛ ma, ado wola karan-bole ara a ma, mɔgɔ-siyaman bara don ko-yogoma-kɛ rɔ. A ko wo sarata min ma, wo ara wotɛ tinya.

Luka 6:39

Yisa ya tili kɛ tɛgɛ anu ye ko, “Fiyɔn ti ke fiyɔn bole birala. Ni a ya wo ma, anu filɛ bɛɛ si bui denkɛ rɔ.

Yɔni 9:39

Yisa ko, “N nara duninya kɛ rɔ ka dan-nafarɛ yira mɔgɛnu tɛma. Fiyɔn yɛ la si ka, ado minnu mirinɛ ko anu yɛ lakanɛ, wonu si fiyonya.”

1 Timoti 6:5

ado tuma-wo-tuma anu bi sɔsɔli sala. Mɔgɛ wonu hɛnkili tinyanɛ, tonya sa anu bolo muk! Anu bi anu mirila ko dina-koe, nɔnfulu-sɔrɔn-kilɛ le.

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

2 Pita 2:17

Foninya-karan-mɔgɔ wonu mani de iko tenke min gbalanɛ a wɔrɔn la. Anu mani de fanan iko fɔnyɔ wa sigi banda-finyɛ min kɔrɔ. Alla ara pinpi-fin-bɛ mara anu denu denu ye.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.