Matiyu 14:9 - ALLALA KUMƐ

⁹ Mɔnɛ donta mansɛ rɔ ka a tɛgɛ ala kelili wo ma. A ara a keli nyama yala min kɛ, a ko fɔ a ni wo di a ma.

Matiyu 14:9 Iomraidhean Croise

Makawandili Kumɛnu 5:2

I miri yanni i ni kuma. Alla yili-madiya-kumɛ kana bɔ mɔgɔ da rɔ yona. Ale ye san-kole rɔ, male ye dugu-kole kuma, woletɔ i kana kuma-pɔrɔtɔ-paratɛ fɔ.

Matiyu 14:1

Mansa Hɛrodi min bi Kalili sigisɔn kun na, wo ya Yisa wara-koe lamɔɛn tumɛ min,

Matiyu 14:10

Woletɔ a ya mɔgɛ do sɔ ka Yɔni kunyɛ tɛgɛ a la yele la.

Matiyu 14:5

Hɛrodi ye a fɛ ka a faga kɔnɔ a kilanta Yahudiyanu na bawo wonu ya Yɔni lɔn nɛbi la.

Matiyu 14:8

Ka a tɛgɛ a na ya min fɔ a ye, a ya Hɛrodi tara ko a ye nyinina Yɔni-Batasi-Kɛlɛ kunyɛ ma pileti ma.

Maraka 6:14

Mansa Hɛrodi ya Yisa wara-koe bɛɛ lamɔɛn bawo Yisa mankan ara nyɛnsɛn kan tinɛ bɛɛ rɔ. Mɔgɛ donu ya anu miri ko, “Yɔni-Batasi-Kɛlɛ ara sɛgi a niyi la. Wo le ya a to, a ye kabana-ko-wɛnu kɛla a sɛnbɛ la.”

Maraka 6:20

Mansa Hɛrodi kilanta Yɔni la bawo a ya Yɔni lɔn mɔgɔ-nyimɛ la, ado a sɛnima. Woletɔ a ya a kandan a kin na! Hɛrodi wa a tole masɔ Yɔni la tuma-wo-tuma, a kɔndɔ si fili kɔnɔ hali wo, a di a ye ka a tole masɔ a la tun!

Maraka 6:26

Kumɛ wo ya mansɛ yisi tinya bɛrɛkɛ! Kɔnɔ a ma ke a sɔsɔla bawo a ara a keli a ye mɔgɛ bɛɛ yala.

Luka 13:32

Yisa ya anu yabi ko, “Wo ta a fɔ suluki wo ye ko, ‘Bi anubɛ sina, n bi nyinɛnu gbenna ka mɔgɛnu dandan. A tele sawa nyɔgɔn, n si ban nna wɔlɛ la.’

Kɛlɛ-Kurugbɛnu 11:39

Karɛ filɛ wo banta tumɛ min, a nara a fa wara tun. A fa ya a kuman-kan latɔnbagaya iko a ya a fɔ Mari ye nya min. Sunkurɔn wo fagara kɔnyɔyɛ le tɔ. Ka a dabira wo wati ma, anu ya namu do dabira.

Kɛlɛ-Kurugbɛnu 21:1

Kɔnɔ yanni Isirɛla bɔnsɔn tan-ni-kelan ni kɛlɛ dabira, anu ya anu kundɛn kan-tina-kelen Misipa soe burɔ nun. Anu dama kunta kan kelen ma nyɔ ka anu nyɛrɛ ladanka, anu ko, “Male bɔnsɔn tan-ni-kelan kɛ, mɔgɔ-wo-mɔgɔ kana ala dunmusi di Bɛnyamɛ bɔnsɔn-mɔgɛ ma.”

1 Samuwɛli 14:24

Kɔnkɛ ya Isirɛla kɛlɛ-dannu mankulan bɔ anu ma wulɔn bawo Mansa Sɔli ara anu nadanka wulɔn ko, “Fananta n ma ban n yogenu nɔla, mɔgɔ-wo-mɔgɔ kana na dɔn-fan bila a dɛ rɔ bi tele rɔ.” Woletɔ mɔgɔ-wo-mɔgɔ ma dɔn-fen bila a dɛ rɔ wulɔn tele kelan.

1 Samuwɛli 14:28

Kɔnɔ kɛlɛ-dan do ya a fɔ a ye ko, “Male damasi mankulan le bɔnɛ ma ma kɛ la kɔnkɛ bolo bawo i fa ara ma ladanka. A ko ma do-wo-do kana dɔn-fen bila ma dɛ rɔ bi.”

1 Samuwɛli 25:22

Yanni bandɛ ni ka sina, ni n ti Nebali anubɛ ala keminɛ damasi faga, alamɛ Alla ya n faga.”

1 Samuwɛli 28:10

Mansa Sɔli ya a keli Mari rɔ ka a fɔ ko, “Ni i ya wɔlɛ kɛ n ye, i ti tɔrɔya sɔrɔn wola ko la muk!”