Matiyu 14:3 - ALLALA KUMƐ

³ Yɔni ye Hɛrodi miriya rɔ bawo a ya a ma nun, a ara Yɔni bira ka a kiri yele la. A ya wo ma ka a tɛgɛ a na-kelen-nyɔgɛ Filipila musi Hɛrodiyasila ko la.

Matiyu 14:3 Iomraidhean Croise

Matiyu 11:2

Yɔni-Batasi-Kɛlɛ ye yele la tumɛ min, a ya Allata-Mɔgɔ-Yabɔnɛla wɔli-kɛ-tɔgɛ lamɔɛn, Yisa, kɔni. Woletɔ a ya ala karan-dan donu nata Yisa wara.

Matiyu 14:6

Hɛrodi sɔrɔn-tele kera tumɛ min, Hɛrodiyasila dunmusi ya a dɔn nyama bɛɛ yala. Dɔn wo ya Hɛrodi hɛnɛ kati!

Matiyu 4:12

Yisa ya a lamɔɛn tumɛ min ko anu bara Yɔni-Batasi-Kɛlɛ sa yele la, a tara Kalili sigisɔn rɔ.

Maraka 6:14

Mansa Hɛrodi ya Yisa wara-koe bɛɛ lamɔɛn bawo Yisa mankan ara nyɛnsɛn kan tinɛ bɛɛ rɔ. Mɔgɛ donu ya anu miri ko, “Yɔni-Batasi-Kɛlɛ ara sɛgi a niyi la. Wo le ya a to, a ye kabana-ko-wɛnu kɛla a sɛnbɛ la.”

Maraka 6:17

Hɛrodi ya a dɔgɔ-keminɛ Filipila musi bi a bolo min kɛ nun, Yɔni-Batasi-Kɛlɛ tora a fɔla Hɛrodi ma nun ko, “A ma bɛn i ni i dɔgɔ-keminɛla musi bi a bolo!” Wo le ya a ma, Hɛrodi nyɛrɛ ya Yɔni bira-koe latɛgɛ nun ka a sa yele la alako a si ala musi Hɛrodiyasi hɛnɛ nya min.

Maraka 6:19

Ala musi Hɛrodiyasi diminyanɛ Yɔni ma nun. A faga-sɔgɛ ya a bira kɔnɔ a ma ke a fagala Mansa Hɛrodila ko la.

Maraka 6:22

Hɛrodiyasila dunmusi donta bɔn la ka a dɔn anu ya la. Dɔn-kɛ wo ya Mansa Hɛrodi anubɛ a ta-nyɔgɛnu hɛnɛ kati! Nba, mansɛ ya a fɔ dunmusi ye ko, “Nfen sɔgɛ ye i la? I ye fenfen fɛ, n si wo di i ma.

Maraka 8:15

Yisa ya anu makawandi ko, “Wo ni a ma wo fɛrɛma Farisinu anubɛ Mansa Hɛrodita biredi-yɛlɛ-fanla ko la.”

Luka 13:1

Wo wati nyɛrɛ rɔ, mɔgɛ donu bi nyɔ minnu ya Kalili sigisɔn kɛnuna koe fɔ Yisa ye. Wonu bi saraka-bɔɛ la tumɛ min, Pailɛti ya wonu denu faga. Anu yele basanta saraka-yele la.

Luka 13:31

Wo wati nyɛrɛ rɔ, Farisi donu nara Yisa wara ka a fɔ a ye ko, “A fisa, i ni bɔ yan ka ta kan-tina-gbɛrɛ rɔ bawo i faga-sɔgɛ ye Hɛrodi la.”

Luka 23:11

Mansa Hɛrodi anubɛ ala kandannɛnu ya Yisa mayɛlɛn ka a manyini kati! Anu ya duruku-nyimɛ bila a kan na ka a lasɛgi Pailɛti ma.

Luka 23:7

A ya a lamɔɛn tumɛ min ko Yisa bɔra Mansa Hɛrodila nyamanɛ le tɔ, a ya a lata nyɔ-kun-tigi, Hɛrodi ma. Wo wati ya a taran, ale fanan ye Yerusalɛm soe burɔ.

Luka 3:1

Mansa-Ba Taibiriyasi, Romu kun-tigi-ba, kɔni, wola mansayɛ san tan-ni-loli nyɔgɛ ma, Pontiyasi Pailɛti fanan bi kun-tigiyɛ la Yahudiya nyamanɛ rɔ, ado Mansa Hɛrodi ye mansayɛ la Kalili sigisɔn kun na. A na-kelen-nyɔgɛ Mansa Filipi ye mansayɛ la Aituriya anubɛ Tarakoniti sigisɔnnu kun na. Mansa Laiseniya ye mansayɛ la Abilin sigisɔn kun na.

Luka 8:3

Kusala musi Yoyana, minna kei ye kun-tigiyɛ kɛla Hɛrodila bɔn la anubɛ Susana anubɛ musu-gbɛrɛ-siyaman, wonu ya Yisa anubɛ ala karan-dannu dɛnbɛ anu bolo-fannu na.

Kɛwɔlɛnu 12:1

Mansa Hɛrodi burunta Mari Yisata mɔgɛnu tɔrɔla wati wo le tɔ.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.