Matiyu 13:52 - ALLALA KUMƐ

⁵² Woletɔ a ya a fɔ anu ye ko, “Nba, Alla min bi Arinyɛni tɔ, tɔn-karan-mɔgɛ min bɛɛ ara ma karan-dannu na ata mansayɛ rɔ, wonu mani de iko bon-tigi min bi fen-kurɛnu anubɛ a kɔrɔmɛnu nabɔla ala fen namara tinɛ.”

Matiyu 13:52 Iomraidhean Croise

Ɛsira 7:10

Ɛsira ara a nyɛrɛ to Marita tɔn karan anubɛ ka a bira anubɛ ka Isirɛla mɔgɛnu karan a la.

Ɛsira 7:21

“N bara a fɔ nyamani-fen-namaralɛ bɛɛ ye minnu bi Yufereti bɛ tele-yigi wara la ko anu ni ile Saraka-Masɔla Ɛsira makoe bɛɛ nyinya, ile min ya San-Kole-Allata tɔn lɔn, kɔni.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Hɛnkilimaya-Kumɛnu 11:30

Mɔgɔ-telennɛnu si gbɔ nimayɛ la iko kɔlɔmanu si gbɔ nya min. Hɛnkilimɛnu si mɔgɛnu sagan telenbagayɛ wara.

Hɛnkilimaya-Kumɛnu 15:7

Hɛnkilimɛ si lɔnnɛ ranyɛnsɛn mɔgɛnu tɛma kɔnɔ kuntanyɛ ti wo ma.

Hɛnkilimaya-Kumɛnu 18:4

Kumɛ min bi bɔla hɛnkilimɛ da rɔ, a kɔrɛ-lɔn gbɛlɛ iko tungban-kɔrɛ ye nya min. Ale hɛnkilimɛ si to hɛnkili-kurɛnu nabɔla a da rɔ iko tenke si to bɔla a denkɛ rɔ nya min.

Keninteya-Siginu 7:13

Mandirɛki fere-sumɛ ra ara tii nyɔ kɔrɛ pu! N bara kɔn-gbɔ-bɛrɛbɛrɛnu nadɛn i ye. I duruta minnu dɔnna wo, i ma minnu su dɔn bɛ wo, n bara wo bɛɛ lamara i ye.

Matiyu 12:35

Mɔgɔ-nyimɛ si ko-nyimɛ labɔ ata nyimayɛ rɔ. Sɔn-yogoma-tigi si ko-yogomɛ labɔ ata sɔn-yogomɛ rɔ.

Matiyu 13:51

Yisa ya ala karan-dannu manyinika ko, “Wo ara koe kɛnu nya-yen, ba?” Anu ya a yabi ko, “Ɔnde.”

Matiyu 13:53

Yisa banta tili wonu tɛgɛla tumɛ min, a bɔra nyɔ

Matiyu 23:34

Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiya-dina-bɔnnu na. Wo si to anu gbenna soenu tɔ.

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Luka 11:49

Wola ko la, Alla anubɛ ala hɛnkilimayɛ ko a si nɛbinu anubɛ kilayɛnu sɔ wo benbanu bara. Anu si donu faga anu tɔ ka donu bɛnsɛnkɔninya.

Yɔni 13:34

“N bara tɔn-kurɛ di wo ma ko wo ni wo nyɔgɔn keni. Wo ni wo nyɔgɔn keni iko n bara wo keni nya min.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

Ɛfɛsa 3:4

N bara hɛnkili min sɔrɔn Kirasitila gbundu-koe wo rɔ, ni wo ya wo karan, wo si a nya-yen.)

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɔlɔsi 1:7

Ma diyana wɔli-kɛ-nyɔgɛ Ɛpafarasi ya wo karan wo ma. Kirasitita lanaya-wɔli-kɛlɛ le ale Ɛpafarasi la male gbɛ rɔ.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

1 Timoti 3:6

A kana ma dɛnkɛninya-mɔgɔ-kurɛ la bawo ni a wasira, Alla si a kiti iko a ya Setanɛ kiti nya min.

Taita 1:9

A ni kiri lanaya-kumɛ wonu ma minnu bɛnnɛ karan-kɛndɛ ma. A si ke worɔ ka donu makawandi tonya-karan kɛ fɛ anubɛ minnu bi tonya-karan kɛ masɔsɔla, a ni wonu natelen.