Matiyu 13:30 - ALLALA KUMƐ

³⁰ Wo ni a to fɔlɔn. Anu filɛ ni koloya anu nyɔgɔn fɛ ha a tɛgɛ-tumɛ. Nba, n si a fɔ nna wɔli-kɛlɛnu ye worɔ ko anu ni binyɛ fɔlɔn dɛn ka a lakiri. Anu ni a lakɛ tɛ rɔ. Wo kɔma, anu ni ki-fen-bɛrɛ tɛgɛ ka a sa nna birɛ rɔ.’ ”

Matiyu 13:30 Iomraidhean Croise

2 Samuwɛli 23:7

Fɔ nɛgɛ, ni wo ma, tanbɛ, anu si anu madɛn wonu denu na ka anu mintan gburr!”

Yobu 39:12

I lara a la ko a si ke ila fui-fen-tɛgɛnɛ madununa i ye gbere-kole ma?

Aiseya 17:5

Isirɛla nyamanɛ si ma iko nyɔ-sangban. A ra si kolonya iko mɔgɛnu tara dɔn-fannu torondo nya min Rɛfayim lɛɛ rɔ.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Matiyu 13:25

Suyi kelen tɔ, bɛɛ ye kinɔgɛ rɔ tumɛ min, a yoge nara ka bin-kole fui ala sɛnɛ rɔ. A tara a ye.

Matiyu 13:29

A ya anu yabi ko, ‘Ade, wo tenbi binyɛ dɛnna tumɛ min, wo si fui-fan do fanan wurun a fɛ.

Matiyu 25:32

Duninya-mɔgɛ bɛɛ la si dɛn n yakɔrɔ. N si anu fara kurun fila la iko saga-fɛ-biralɛ si sagɛnu fara baanu na nya min.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Luka 3:17

Ala fɛrɛ ye a bolo ka ala fui-fan funfan alako a si anu sa ala birɛ rɔ nya min. Kɔnɔ a si a fofenu mintan ta-dufenbɛlɛ la!”

Yɔni 15:6

Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

1 Timoti 5:24

Mɔgɛ donu hakɛ yen-koe ma gbɛlɛ, bɛɛ si a yen gbɛ rɔ, ado anu nyɛrɛ ya a lɔn ko Alla, ni wo ma, mɔgɔni-gbuyi si anu kiti. Kɔnɔ donu hakɛ yen-koe gbɛlɛ, mɔgɛnu ti anu yen fɔ wati-laban.

1 Samuwɛli 25:29

Ni a sɔgɛ ye mɔgɔ-wo-mɔgɔ la ka i faga, ita Mari Alla si i tanka wo masibɛ ma iko mɔgɔ si ala nɔnfuli kandan nya min. Mari si i yogenu nakɛ a rɔ iko lenfiran-kuri.