Matiyu 13:15 - ALLALA KUMƐ

¹⁵ Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Matiyu 13:15 Iomraidhean Croise

Yaburi 119:70

Wunduyogoyɛ ye tugula mɔgɛ kɛnu yisi rɔ kɔnɔ ila tɔnnu ya nde hɛnɛ.

Hɛnkilimaya-Kumɛnu 16:30

Karagbɛlɛ si yanfɛ don a ya-lakalan-bole fɛ ko-yogomɛ rabɛn-tinɛ. A tenbi ko-yogomɛ mala, a si a dɛ don a kɔrɔ.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 57:18

A ko hali wo ye wo sɔn-yogomɛ da kun tɔ, a ko hali wo, a si to wo lakɛndɛyala. A ko a si wo bila kila-telennɛ fɛ ka wo lafɛrɛ.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Yɛrɛmaya 17:14

Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.

Yɛrɛmaya 17:9

Mari ko hadama-dan-sɔn yogo ha ka a dan-natenbi. A ti a sɔn yɛlɛma mumɛ, ado mɔgɛ ti ban hadama-dan-sɔn nya-yenna.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Yɛrɛmaya 33:6

Kɔnɔ a ko a si Yerusalɛm soe dandan anubɛ ala mɔgɛnu ka anu nasɛgi anu gbɛ rɔ. A si yisi-kimɛ di anu ma duk, ka anu nakanan.

Hoseya 14:4

Mari ko, “N si wole nta mɔgɛnu gbɛrɛn n ma tun ka wo makoto wola lanayabɛlitayɛla ko la. N si wo keni n yisi bɛɛ la, ado n ti kɔrɔtɔ wo ma tun!

Sakaraya 7:11

A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Maraka 4:12

Woletɔ (iko a sɛbɛnɛ Allata kitabu rɔ nya min), ‘Anu si to fan yenna kɔnɔ anu ti a ragbɛ. Anu si to anu tole masɔla kɔnɔ anu ti a nya-yen. Bawo ni anu ya ko ragbɛ ka a nya-yen, anu si yɛlɛma Alla wara la. A si anu makoto worɔ.’ ”

Luka 19:42

Yisa ko, “E, Yerusalɛm kɛnu, ni wo ya a lɔn nun min si yisi-kimɛ lana wo ma, wo kin! Kɔnɔ wonu dogonnɛ wo ma kaka,

Kɛwɔlɛnu 28:27

Fan do sanɛ mɔgɛnu miriya-ya ma alako anu kana ko nya-yen. Anu tole gberenɛ alako anu kana na ko lamɔɛn. Fen sanɛ anu yɛ ma alako anu kana na ko ragbɛ. Ni anu ya fen yen ka ko lamɔɛn nun, tumado fɔ anu ba anu ya-lamunun n na anu nakɛndɛya-koe la.’ ”

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Kɛwɔlɛnu 7:57

Anu gbele-gbelenta ka anu bole digin anu tolenu tɔ. Anu dama kɛra a ma tiriya!

2 Timoti 4:4

Anu si anu tole bɔ tonya-kumɛ la ka anu tole masɔ tili gbansannu na.

Hiburunu 5:11

Ko-siyaman bi ma bolo ka a fɔ wo ye ka a bɛn Yisata saraka-masɔlayɛ ma. Kɔnɔ a faranfasi-koe gbɛlɛ wo ye bawo wo ti ke ko nya-yenna tiriya!

Lankɛnimayɛ 22:2

A ye yigila soe tɛma den! Nimaya-kɔlɔmanu bi bɛ wo tɔnkɔn bɛɛ rɔ. Anu bi gbɔla kinyama tan-ni-fila san kɔrɔ. Anu yanba-kunyɛnu bi sibolenu nakɛndɛyala.