Matiyu 13:13 - ALLALA KUMƐ

¹³ Wo le ya a to, n bi kumala wonu ye tilinu tɔ. Anu bi fan mafɛlɛnna kɔnɔ anu sa a yenna. Anu bi anu tole masɔla kɔnɔ anu sa ko lamɔɛnna, hali ka a nya-yen.

Matiyu 13:13 Iomraidhean Croise

Aiseya 44:18

Kun-takolɔn le mɔgɔ-sufa wonu na. Anu ma a lɔn anu bi min kun na. Fan do burunnɛ anu yɛ la. Anu sɔn-kunyɛ-dɛ latogonnɛ alako anu kana na tonyɛ lɔn.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Isikiyɛli 12:2

“Ile hadama-dan, ile siginɛ mɔgɔ-murutiyanɛnu denu tɛma kɛ la. Yɛ ye anu bolo kɔnɔ anu sa fen yenna. Tole ye anu bolo kɔnɔ anu ti ko-wo-ko lamɔɛn bawo mɔgɔ-murutiyanɛnu denu bi anu na.

Isikiyɛli 20:49

Nde, Isikiyɛli ya Mari sɔsɔ, n ko, “N Tigi Mari, wo ma-sɔgɔ sa n na bawo mɔgɛnu bi a fɔla n ma ko nna tilinu bi anu kɔndɔfilila.”

Matiyu 13:16

“Kɔnɔ hɛrɛ ye wole fɛ bɛrɛkɛ! Wo yɛnu bi fan yenna. Wo tolenu bi ko lamɔɛnna.

Romu 11:8

Iko a sɛbɛnɛ Allala kitabu rɔ nya min ko, “Alla ya anu yisi anubɛ anu hɛnkili rafaga. Ha bi, anu ti ke fen yenna anu yɛ la. Anu ti ke ko lamɔɛnna anu tole la.”