Matiyu 12:42 - ALLALA KUMƐ

⁴² Musu-mansɛ min bɔra Siba nyamanɛ rɔ don? Wo si a lasɔ kiti-tɛgɛ-lunyɛ ka wo maburi bawo ale bɔra ata nyamanɛ rɔ pon ka na a tole masɔ Mansa Silamɛnita hɛnkilimaya-karan la. Nba, n bi a fɔla wo ye, mɔgɛ do ye yan min kolo Mansa Silamɛni ko pirr!

Matiyu 12:42 Iomraidhean Croise

1 Mansɛnu 10:24

Alla ya hɛnkilimaya-kumɛ min di Mansa Silamɛni ma, a sɔgɛ ya duninya-mɔgɛnu bira ka ta anu tole masɔ wo la.

1 Mansɛnu 3:12

Woletɔ n bi nala hɛnkili anubɛ lɔnnɛ dila i ma tɛban! Mɔgɔ-wo-mɔgɔ ti hɛnkili sɔrɔn duninya rɔ ka ke i rɔ.

1 Mansɛnu 3:28

Isirɛla mɔgɛnu ya kiti wo lamɔɛn tumɛ min, mansɛ ya min tɛgɛ, anu kawara mansɛ ma. Anu ko, “Alla le ya kiti-tɛgɛ-hɛnkili kɛ di a ma.”

1 Mansɛnu 3:9

Awa, i ni hɛnkili di n ma alako n si ke nya min ka mɔgɛ wonu kiti ka ko-nyimɛ anubɛ ko-yogomɛ dan-nafarɛ lɔn. Ni wo ma, n si ke mɔgɔ-sɛrɛ-wɛ kɛnu kitila kama ka mansayɛ kɛ?”

1 Mansɛnu 4:29

Alla ya ko-nya-yen hɛnkili-wɛ di Mansa Silamɛni ma min dan ma lɔn.

1 Mansɛnu 4:34

Duninya-mansɛ bɛɛ ya ata mɔgɔ lata ka anu tole masɔ Mansa Silamɛnita hɛnkilimaya-kumɛnu na bawo anu bara Mansa Silamɛnita hɛnkilimayɛ mankan lamɔɛn.

1 Mansɛnu 5:12

Mari ya hɛnkili di Mansa Silamɛni ma iko a ya lanyiri kiri a ye nya min. Yisi-kimɛ taranta Mansa Hairam anubɛ Mansa Silamɛni tɛma. Anu mɔgɔ filɛ tora kan kelen tɔ.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Matiyu 12:41

Ninɛfa so-burɔ-mɔgɛnu si anu nasɔ kiti-tɛgɛ-lunyɛ ka wo maburi bawo wonu ya Nɛbi Yonala kawandilɛ lamɔɛn tumɛ min, anu ya anu kɛ-nya yɛlɛma. Nba, n bi a fɔla wo ye ko mɔgɛ do ye yan min kolo Nɛbi Yona ko pirr!

Matiyu 12:6

N bi a fɔla wo ye, fan do ye yan min kolo Alla-Bato-Bɔn ko.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Tɔn-Fɔɛ-Fila-Nyɔgɛ 30:13

Anu sa kɔgɔ-yi kɔgɔma iko komi wo ye mɔgɛ manyinikala anu bi-koe ma wo ye, woletɔ wo si a lamɔɛn ka anu bira.