Matiyu 12:30 - ALLALA KUMƐ

³⁰ “Mɔgɔ-wo-mɔgɔ min sa nde fɛ, wo ye n kan ma. Min sa n dɛnbɛna ka fannu nadɛn, wo ye wonu tanyɛnsɛnna.

Matiyu 12:30 Iomraidhean Croise

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 94:16

Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?

Hɛnkilimaya-Kumɛnu 11:24

Mɔgɛ ye fan nila nya min, a si a sɔrɔn ka tenbi wo la. Kɔnɔ mɔgɛ min kɔrɔndi, wo si don bolo-kolonyɛ rɔ.

Hoseya 1:11

Yuda bɔnsɔn-mɔgɛnu anubɛ Isirɛla bɔnsɔn-mɔgɛnu si na ma kelen na tun. Bɔnsɔn filɛ wonu si kun-tigi kelen yabɔ anu tɔ. Wo kɔma, anu si sabati ka ta yarɔ anuna nyamanɛ wo rɔ tun. Wasalɛ ye nala kɛla Yɛsɛreli tele min ma, tele wo si ma tele-makawanɛ la anu bolo.

Matiyu 12:29

“Mɔgɔ-wo-mɔgɔ ti ke sɛnbɛ-tigila bɔn tinyana ka a bolo-fannu bi fɔ ni a ya sɛnbɛ-tigi wo kiri fɔlɔn. Wo kɔma, a ni bon-burɔ-fannu bi.

Matiyu 6:24

“Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Maraka 9:40

ado ni min sa ma kan ma, wo ye mala ko la.

Luka 11:23

“Ni min sa n fɛ, wo ye n kan ma. Ni min sa n dɛnbɛna fen-nadɛn la, wo ye a ranyɛnsɛnna.

Luka 9:50

Yisa ya a fɔ a ye ko, “Wo kana a lakala bawo min sa wo kan ma, a ye wola ko la.”

Yɔni 11:52

ado a sa fagala Yahudiyanu dɔrɔnna ko la. Kɔnɔ a si faga alako Allala mɔgɛ bɛɛ min tanyɛnsɛnnɛ, a si wonu nadɛn kan-tina-kelen ka anu ma kelen na.)

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

Yasowa 5:13

Yasowa gbɛrɛnta Yɛrikɔ ma tumɛ min, a ya mɔgɛ do yen sɔnɛ a yakɔrɔ, faan ye a bole tɔ. Yasowa tara a wara la ka a fɔ a ye ko, “I ye male le fɛ, ka, ma kɛlɛ-nyɔgɛ le ile la?”

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.