Matiyu 12:22 - ALLALA KUMƐ

²² Nba, mɔgɛ donu nara kei do la Yisa wara. Fiyɔn le. A ti ke kumala fanan bawo nyinatoe le. Yisa ya a lakɛndɛya min kɛ, a wulita kumala anubɛ a yɛ lakara ka fen-yen kɛ fanan.

Matiyu 12:22 Iomraidhean Croise

Yaburi 51:15

E, n tigi, ni i ya n dɛ fulen, n si i matɔgɔ ka i tanto.

Aiseya 29:18

Wo tele wa ke tumɛ min, tolo-gberenu tole la si ka ka kɛdi wo karan-kan lamɔɛn. Fiyɔn min bara mɛ a bolo mɛmɛla pinpi rɔ, wonu yɛ la si ka ka fen yen.

Matiyu 4:24

Yisa mankan nyɛnsɛnta Siriya nyamanɛ bɛɛ rɔ. Wo le ya a ma, mɔgɛnu nara kirayato-su bɛɛ la a wara. A nyinato wo, a kirikirisato wo, a solomonya-fagani-tigi wo, Yisa ya wonu dama lakɛndɛya.

Maraka 3:11

Nba, nyina-yogomɛnu bi mɔgɛ minnu fɛ, wonu ba Yisa yen tuma-wo-tuma, anu si bui a kɔrɔ ka gbele-gbelen ko, “Allala dan le ile la!”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

2 Tɛsalonaika 2:9

“Kirasiti-yogo-finma-wɛ” wo si na Setanɛta sɛnbɛ rɔ ka foninya-tamaserenu anubɛ foninya-kabana-ko-su-bɛɛ kɛ.