Matiyu 12:2 - ALLALA KUMƐ

² Farisinu ya wo yen tumɛ min, anu ya a fɔ Yisa ye ko, “A mafɛlɛn ila karan-dannu bi min mala kɛ la Sulen-Tele ma. Anu bi mala tɔn tinyana wo la!”

Matiyu 12:2 Iomraidhean Croise

Bɔ-Koe-Iyipiti 23:12

“Wo si wola wɔlɛnu kɛ tele wɔrɔ kɔrɔ ka wo sulen a tele wɔrɔnfila nyɔgɛ ma. Wola yɔɔnnu wo, wola sundan minnu bi wo dɛnbɛna wo, anubɛ wola kolo-fan minnu bi wɔlila wo ye wo, wo bɛɛsi ni wo sulen a tele wɔrɔnfila nyɔgɛ wo ma.

Bɔ-Koe-Iyipiti 35:2

Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Matiyu 12:10

Kei do ye nyɔ min bole faganɛ a la kɔnɔ mɔgɛ donu bi nyɔ minnu bi a fɛ ka tɔgɛ sa Yisa la. Woletɔ anu ya a manyinika ko, “Ni mɔgɔ ya mɔgɔ dandan Sulen-Tele ma, wo si mala tɔn tinya, wa?”

Matiyu 12:3

Yisa ya a fɔ anu ye ko, “Dawuda ya min ma wo tumɛ kɔnkɛ ye anubɛ a keminɛnu na, wo ma wo karan bɛ, wa?

Maraka 2:24

Woletɔ Farisinu ya a fɔ Yisa ye ko, “A mafɛlɛn ila karan-dannu bi min mala kɛ la Sulen-Tele ma. Anu bi mala tɔn tinyana wo la!”

Luka 14:3

Yisa ya tɔn-karan-mɔgɛnu anubɛ Farisinu manyinika ko, “Mala tɔn si sɔn mɔgɔ-dandan-koe ma Sulen-Tele ma, ka, a ti sɔn?”

Luka 23:56

Anu sɛgira anu barɛ ka sɛnti anubɛ mun-kɛ-tuli rabɛn a furi ye. Sulen-Tele ma, anu ya anu sulen iko tɔn ya a fɔ nya min.

Luka 6:2

Farisi donu ko, “Nfenna wo ye wo mala? Mala tɔn ko mɔgɔ kana wo ma Sulen-Tele ma.”